Friday , March 29 2024
chocolate Toblerone Cadbury

Gustong magbenta kahit walang puhunan
KELOT KALABOSO SA ‘CHOCOLATES’ 

SA KULUNGAN bumagsak ang pangarap ng isang lalaking gustong magbenta ng ‘chocolates’ kahit wala siyang puhunan nang mahuli sa pang-uumit sa isang convenience store sa Malabon City, kamakalawa ng hapon.

Nahaharap sa kasong Theft ang suspek na kinilalang si Ronnel Torremonia, 31 anyos, residente sa Dulong Bronze St., Brgy. Tugatog.

Batay sa ulat ni P/Cpl. Renz Marlon Baniqued kay Malabon City police chief, Col. Albert Barot, dakong  5:13 pm nang pumasok ang suspek sa isang convenience store na matatagpuan sa Gov. Pascual Ave., Brgy., Tinajeros.

Kumuha ang suspek ng limang pirasong Toblerone chocolate bar na nasa P735 ang halaga at 15 pirasong Cadbury dairy milk chocolate bar na nasa P2,370 ang halaga ngunit hindi nagbayad.

Nakita ni Carolina Lacebal, 40 anyos, shift supervisor ang kahina-hinalang kilos ni Torremonia.

Nang lumabas ang suspek, hinabol siya ni Lacebal hanggang makorner sa labas at agad humingi ng tulong sa mga tauhan ng Sub-Station 2 na nagresulta sa pagkakaaresto kay Torremonia, hanggang mabawi ang mga chocolate.

Sising-sisi man ay walang magawa si Torremonia dahil kulungan ang kinahantungan ng paghahangad niyang magbenta ng chocolates kahit wala siyang puhunan. (ROMMEL SALES)

About Rommel Sales

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …