Wednesday , October 5 2022
Jueteng bookies 1602

Sa Malabon
KOBRADOR,  MANANAYA NASAKOTE SA LOTTENG 

BINITBIT sa selda ang tatlo kataong naaresto sa isinagawang anti-illegal gambling operation in-relation to S.A.F.E NCRPO ng pulisya sa Malabon City, kamakalawa ng tanghali.

Nahaharap sa kasong paglabag sa PD 1602 (Lotteng) as amended by R.A. 9287 ang mga naaresto na kinilalang sina Jose Dela Rosa, Jr., 28 anyos, pedicab driver, Mareon Marzon, 30 anyos, construction worker, kapwa ng Brgy. Tugatog, at Jonjon Lumantao, 39 anyos, jeepney driver ng Caloocan City.

Sa imbestigasyon ni P/Cpl. Honeybelle Data, nakatanggap ang mga tauhan ng District Special Operation Unit ng Northern Police District (DSOU-NPD) sa pamumuno ni P/Lt. Col. Rommel Labalan ng impormasyon mula sa regular confidential informant tungkol sa nagaganap na ilegal gambling activity sa Dr. Lascano St., Tugatog, Malabon City.

Kaagad nagsagawa ng anti-ilegal gambling operation ang mga operatiba ng DSOU sa pangunguna ni P/Lt. Melito Pabon at pagdating sa naturang lugar dakong 12:00 pm ay naaktohan ng mga awtoridad ang mga suspek habang nagpapataya at tumataya sa ilegal na sugal na lotteng.

Gayonman, napansin ng mga suspek ang presensiya ng mga pulis kaya’t mabilis nagpulasan ngunit hinabol sila ng mga arresting officer hanggang makorner at maaresto.

Nakuha sa mga nadakip ang isang bet list, dalawang bet receipt, at P400 bet collection sa magkakaibang denomination. (ROMMEL SALES)

About Rommel Sales

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …