HATAW! D'yaryo ng Bayan hatawtabloid.com
MA at PA
ni Rommel Placente
SA darating na 13th PMPC Star Awards For Music ay nominado rito sI Jos Garcia sa kategoryang Female Acoustic Artist of the Year para sa single niyang Nagpapanggap,na mula sa komposisyon ni Rey Valera.
Siyempre, happy si Jos sa nominasyong nataggap niya mula sa nasabing award-giving body.
“Sobrang natutuwa po ako dahil nominado po ako sa Star Awards For Music. Isa pong malaking karangalan sa akin na napansin ako ng PMPC,” sabi ni Jos.
Since Nagpapanggap ang title ng latest single ni Jos,may na-experience na ba siya na naloko siya, o nagpanggap na tunay ang isang kaibigan sa kanya, pero hindi naman pala?
“Napakarami pong nagpapanggap,” sagot ni Jos.
“Ayoko nalang i-mention ang names nila.
“Hindi ko po rin po sila masisisi roon. Siguro, dahil sa sarili nilang pangangailangan, kaya kailangan nilang magpanggap.
“Inisip ko na lang, in that way, nakatulong ako sa kanila.”
Sa aspetong pera naloko si Jos.
Samantala. sa tanong naman kung sino sa mga local singer natin na babae at lalaki, given a chance, ang gusto niyang maka-collaborate, ang sagot niya ay sina Regine Velasquez at Jed Madela.
For the record, si Jos ay nakilala sa music industry after sumikat ang awitin niyang Ikaw Lang Ang Iibigin Ko, na may Japanese version.
Taong 2006 pa sumikat ang kanta pero hanggang ngayon ay pinatutugtog pa ito sa mga FM station.Maganda naman kasi ang lyrics at melody nito. Itinuturing na ito ngayong isang classic song.
