Friday , September 30 2022
Malabon Police PNP NPD

Binata binugbog, sinaksak
3 SA 4 SUSPEK ARESTADO SA MALABON 

NAGTAGUMPAY ang mga awtoridad sa isinagawang follow-up operation nang tatlo sa apat na mga suspek na sumaksak at nambugbog sa isang binata sa Malabon City ang kanilang nasakote.

               Kinilala ni Malabon police chief Col. Albert Barot ang naarestong mga suspek na sina Ryan Frederick Calidro, 20 anyos, Sean Andrei Paragas, 18 anyos, at Rodrigo Caples, Jr., 22 anyos, pawang residente sa Brgy. Longso habang pinaghahanap ang isa pang suspek na si Leo Boy Arogante, 18 anyos.

Batay sa pinagsamang ulat nina P/SSgt. Mardelio Osting at P/SSgt. Ernie Baroy, dakong 11:25 pm noong nakalipas na 2 Setyembre 2022 nang maganap ang insidente ng pananaksak sa biktimang si Ashly Del Mundo, 20 anyos, residente sa Talakitok St. Brgy. 22, Caloocan City sa kahabaan ng Hiwas St., Brgy. Longos.

Matapos ang insidente, mabilis nagsitakas ang mga suspek habang isinugod ang biktima sa Tondo Medical Center (TMC), kung saan patuloy na ginagamot sanhi ng mga saksak sa katawan.

               Sa isinagawang follow-up operation ng mga tauhan ng Sub-Station 5 ng Malabon police sa pangunguna ni P/Lt. Archie Arceo, naaresto ang tatlo sa mga suspek sa Labahita St., Brgy. Longos.

Nang iharap ang mga naarestong suspek sa biktima, positibong itinuro ni Del Mundo si Calidro na isa sa mga sumaksak sa kanya habang sina Paragas at Caples ang mga nanakit. (ROMMEL SALES)

About Rommel Sales

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …