HATAW! D'yaryo ng Bayan hatawtabloid.com
COOL JOE!
ni Joe Barrameda
FINALLY nakapirma na ang mag-asawang Toni Gonzaga at Paul Soriano sa AMBS, TV network ng pamilya ni dating Senator Manny Villar.
Matagal nang nachichismis ang paglipat ni Toni sa nasabing network pero naging tahimik at walang pahayag ang actor/singer. Si Toni ay ilang taon ding naging exclusive contract star ng ABS-CBN na nagkaroon ng mga intriga sa mga kasamahan niyang artista nang makita ito sa mga campaign rally noon ni Pangulong BBM.
Alam naman natin na halos lahat ng ABS-CBN stars ay mga pinklawan noong kampanya at hindi nila matanggap ang mga kasamahang nasa Unity Team.
Si Boy Abunda naman ay sa GMA 7 na mapapanood sa pagbabalik niya sa showbiz. Malamang isang talk show ang unang project nito sa Kapuso Network.
Si Matteo Guidicelli at Billy Crawford ay sa GMA din mapapanood ganoon din si Dominic Ochoa na mapapanood na sa isang afternoon teleserye na Abot Kamay Na Pangarap na magsisimula ngayong Lunes.
Hindi lang malinaw sa amin kung exclusive ang kontrata nila or per project basis.
