Tuesday , December 5 2023
Vicky Gumabao

May asuntong 30 kaso ng Qualified Theft
NAGA’S TOP 8 MWP, NA INFO EXEC APPOINTEE NI FM JR., NAG-RESIGN

HINDI pa man nag-iinit sa kanyang puwesto, nagbitiw ang isang mataas na opisyal ng Philippine Information Agency (PIA) kahapon nang pumutok ang balitang siya ay nakalistang Top 8 sa most wanted persons (MWPs) sa Naga City, bunsod ng 30 kaso ng Qualified Theft na isinampa ng dati niyang employer.

Nabatid sa source sa PIA, dakong 2:30 pm kahapon, tinanggal sa grupo ng PIA Executive Directorate si Maria Victoria Duldulao Gumabao, 54 anyos, naunang itinalaga ni Pangulong Ferdinand Marcos, Jr., bilang isa sa apat na assistant director-general sa unang araw ng kanyang panunungkulan nitong 1 Hulyo 2022.

Napag-alaman sa source, mismong si PIA Director General Ramon Cualoping III ang nag-anunsiyo sa mataas na opisyal ng ahensiya na isinumite na niya ang ‘resignation letter’ ni Gumabao sa Office of the Executive Secretary (OES).

Ipinababahala ng PIA sa OP ang desisyon sa magiging kapalaran ng assistant director-general ng ahensiya.

“Dear Executives, We would like to inform everyone that Vicky Gumabao has handed her notice. We will let OP handle this moving forward.          Thanks,” mensahe ni Cualoping sa mataas na opisyal ng PIA.

Ang PIA ay isang attached agency ng OP at pinamumunuan ni Cualoping, na kamakailan ay ipinetisyon para sibakin ng ilang opisyal at labor leaders ng ahensiya, bunsod ng katiwalian.

Si Gumabao, batay sa bicolmail.net, isang regional newspaper sa Bicol, ay dinakip ng Naga City Police Office (NCPO) noong 22 Mayo 2022 sa bisa ng warrant of arrest na inilabas ni Regional Trial Court Branch 62 Judge Jeaneth Cortez Geminde – San Joaquin bunsod ng 27 kaso ng Qualified Theft at tatlong kaso ng Qualified Theft Through Falsification of Public Documents na isinampa laban sa kanya ng Aliw Brodcasting Network.

Sa ulat, sinabing si Gumabao ay dating Home Radio, isang FM station, manager na nagsilbing campaign coordinator ni FM Jr., nitong nakaraang 2022 presidential elections sa Camarines Sur.

Ang mga kaso laban kay Gumabao ay sinabing nag-ugat sa akusasyon ng kanyang dating employer na ibinulsa niya ang libo-libong pisong ibinayad ng ilang blocktimers sa radio station imbes i-remit sa kompanya.

Nakalaya si Gumabao matapos ang dalawang araw na detensiyon at nang makapaglagak ng piyansa.

Si Gumabao ay sinabing Top 8 sa talaan ng mga most wanted persons sa NCPO. (ROSE NOVENARIO)

About Rose Novenario

Check Also

120423 Hataw Frontpage

Meralco, may P150-B utang na refund sa consumers

TAHASANG sinabi ng dating commissioner ng Energy Regulatory Commission (ERC) na may P150 bilyong utang …

Panay Guimaras NGCP electricity

Sa TRO ng Korte Suprema
PANAY-GUIMARAS INTERCONNECTION NG NGCP NABALAHO

TULUYAN nang maaantala ang isa sa mga priority project ng  National Grid Corporation of the …

SMFI 397 scholar 1

SM Foundation lauds 397 college scholar-graduates  

The SM Foundation (SMFI) celebrates the feat of 397 SM scholars from class 2023, including …

SM Foundation SM Prime 1

From challenges to change: SM Foundation and SM Prime build new school facility in Laguna

The new two-floor school building of Laguna Resettlement Community School features four fully equipped rooms …

Kathniel karla estrada

Karla pilit itinatago ang katotohanan

HATAWANni Ed de Leon ANG maaari lang tumapos sa mga tsismis na split na sina Daniel …