Friday , June 21 2024
Ika-172 kaarawan ni Gat Marcelo H Del Pilar ginunita sa Bulacan

Ika-172 kaarawan ni Gat Marcelo H. Del Pilar ginunita sa Bulacan

NAGTIPON ang daan-daang Bulakenyo sa Sitio Kupang, Brgy. San Nicolas, sa bayan ng Bulakan, lalawigan ng Bulacan nitong Martes, 30 Agosto, upang ipagdiwang ang ika-172 anibersaryo ng kaarawan ni Gat Marcelo H. Del Pilar, ang tinaguriang “Dakilang Propagandista” sa pag-aalsa ng Filipinas laban sa kolonyal na paghahari ng mga Kastila.

Magkakasamang pinangunahan nina Gob. Daniel Fernando, Bise Gob. Alexis Castro, Kong. Danilo Domingo (Bulacan 1st District), Bulakan Mayor Vergel Meneses ang programa ng paggunita na sinimulan ng panalangin ni Rev. Fr. Javier Joaquin.

Hinimok ni Kong. Domingo ang makabagong Plaridel sa henerasyon ngayon na maging parehas at responsableng mamamahayag.

Kinikilala si M.H. Del Pilar bilang “huwaran” ng mga Filipinong mamamahayag.

Taon-taong ginugunita ng mga Bulakenyo tuwing 30 Agost0 ang kabayanihan, pagkamakabayan, at pagsasakrapisyo ni Del Pilar na iniwan ang marangyang pamumuhay bilang abogado at piniling mamuhay bilang malayang mandirigma sa pamamagitan ng pluma sa pag-aalsa ng bansa laban sa Espanya.

Noong 1882, itinatag ni Del Pilar ang Diariong Tagalog at sumulat ng iba’t ibang polyetos laban sa kaparian tulad ng Dasalan at Tocsohan, at Caiingat Cayo.

Sumama siya kay Jose Rizal at sa iba pang Filipino na nakatira sa Europa kung saan nila sinimulan ang Reform Movement laban sa kolonyal na paghahari ng mga Kastila.

Ipinanganak si M. H. Del Pilar sa Bulakan, Bulacan. Siya ay sinuspendi sa Universidad de Santo Tomás at ibinilanggo noong 1869 matapos makipag-away sa isang pari dahil sa mataas na bayad sa binyag.

Noong 1880’s, pinalawak niya ang kanyang anti-friar movement mula Malolos hanggang Maynila.

Nagpunta siya sa Espanya noong 1888 matapos ilabas ang kautusan na ipatapon siya.

Labindalawang buwan matapos siyang dumating sa Barcelona, pinalitan niya si López Jaena bilang editor ng La Solidaridad. (MICKA BAUTISTA)

About Micka Bautista

Check Also

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

062124 Hataw Frontpage

Indigenous gas dev’t bedrock ng PH sa kinabukasan ng enerhiya — Prime Energy exec

TAHASANG sinabi ng isang executive officer ng Prime Energy Resources Development (Prime Energy) na hindi …

062124 Hataw Frontpage

2 medyas na puno ng dolyares nawalis sa NAIA3

HATAW News Team TINATAYANG P1.1 milyon ang halaga ng mga dolyares na nadiskubre sa dalawang …

shabu drug arrest

2 tulak huli sa Malabon, Vale buybust

DERETSO sa hoyo ang dalawang hinihinalang tulak ng ilegal na droga matapos matimbog sa magkahiwalay …