Wednesday , October 5 2022
Bulacan Police PNP

Sa ika-6 araw ng SACLEO
24 PASAWAY TIKLO SA BULACAN

ARESTADO ang 24 indibiduwal na sangkot sa iba’t ibang paglabag sa batas sa ikaanim na araw ng Simultaneous Anti-Criminality Law Enforcement Operations (SACLEO) na isinagawa ng pulisya sa lalawigan ng Bulacan nitong Sabado, 27 Agosto.

Batay sa ulat na isinumite kay P/Col. Charlie Cabradilla, acting provincial director ng Bulacan PPO, nadakip ang 15 hinihinalang mga tulak sa ikinasang drug sting ng Station Drug Enforcement Unit ng mga munisipyo ng Bocaue, Calumpit, Marilao, Pulilan, at San Rafael.

Narekober mula sa mga suspek ang kabuuang 35 pakete ng plastik ng hinihinalang shabu na tinatayang nagkakahalaga ng P67,636; at buy bust money.

Samantala, pinagdadampot ang pitong sugarol na huli sa aktong nagsusugal ng poker sa isinagawang anti-illegal gambling operation ng mga tauhan ng Pandi MPS sa Brgy. Bunsuran 3rd, sa bayan ng Pandi.

Nakompiska mula sa kanila ang isang set ng billiard ball, chalk (tisa), cue sticks, at perang taya sa iba’t ibang denominasyon.

Gayondin, sa inilatag na manhunt operations ng tracker teams ng police stations ng San Miguel at Sta. Maria, nasukol ang dalawang wanted persons na kinilalang sina Joshua Buenviaje sa kasong Qualified Trespass to Dwelling; at Jerrywin Sta. Ana sa kasong paglabag sa RA 9262 (Anti-Violence against Women and Their Children).

Kasalukuyang nasa kustodiya ng kani-kanilang arresting officer at police stations ang mga nadakip na suspek para sa naaangkop na disposisyon. (MICKA BAUTISTA)

About Micka Bautista

Check Also

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …