Wednesday , June 19 2024
Bongbong Marcos Adora Faye De Vera

Compassionate release sa utol ng CHED chair, hirit kay FM Jr.

ni ROSE NOVENARIO

UMAPELA ang mga kaanak at ilang organisasyon para gawaran ng compassionate release ni Pangulong Ferdinand Marcos, Jr., si Adora Faye de Vera na inaresto ng mga pulis kamakailan bunsod ng mga kasong kriminal dahil mahina ang kanyang kalusugan at kailangan ng kagyat na atensiyong medikal.

               “KAPATID appeals to the government to grant Adora Faye de Vera compassionate release, which can range from the presidential prerogative of full pardon to unconditional amnesty to facilitating her release on recognizance,”  ayon kay Kapatid spokesperson Fides Lim sa isang kalatas.

Ang KAPATID ay isang support organization ng mga pamilya at kaibigan ng political prisoners sa Filipinas na tumutulong para sa kanilang paglaya at tiyaking protektado ang kanilang mga karapatan at kapakanan.

Itinuturing ng KAPATID at kaanak si Adora, ika-803 political prisoner sa bansa,  bilang simbolo ng torture at panggagahasa sa kababaihang detenidong politikal noong martial law.

“Adora’s political imprisonment reopens festering wounds yet presents a tremendous challenge to the new President to show he is not incapable of righting the wrongs of the past and that his mantra of unity during the elections is not a hollow message to sidestep his family’s brutal and corrupt history,” ani Lim.

Iminungkahi ni Lim, ilagay si Adora, 66, sa legal custody ng nakababata niyang kapatid, si Commission on Higher Education chair Prospero “Popoy” de Vera III na dumistansiya sa pagkadakip kay Adora.

“The very reasons that Prof. de Vera announced to distance himself from his sister could ironically provide the same rationale why he fits the bill as a guarantor,” giit ni Lim.

“Who better guarantor than a brother who has red-tagged his sister to prove in his own words that he neither ‘shares her views nor supports her actions’ and ‘fully supports the government in its efforts to end the communist insurgency,’” dagdag niya.

Ang katapatan at kahalagahan ng kasaysayan ay nagtapos aniya kay Popoy dahil mas mahalaga sa kanya ang loyalty kay FM, Jr.

“Fealty and the value of history apparently end for him where loyalty to Marcos is more important. But the chair of higher education should be reminded that a cardinal principle of the system of justice is the presumption of innocence,” dagdag niya.

Nanawagan din ang anak ni Adora na si Non, na ibalik sa Maynila ang kanyang ina upang matiyak ang kanyang kaligtasan habang nagpapagamot sa sakit na chronic asthma at mga komplikasyon.

Nangangamba aniya ang pamilya nila sa kaligtasan ni Adola lalo na’t may nangyaring serye ng ‘tokhang-style killings’ ng mga prominenteng aktibista, karamiha’y matatanda at sakitin na at tinatakan ng mga pulis at military bilang mga lider ng Communist Party of the Philippines at New People’s Army.

Kabilang aniya sa kanila ay sina Antonio Cabanatan, 74, at esposang si Florenda Yap, 65, na dinukot, tinortyur at pinaslang ng mga pulis at military sa Oton, Iloilo noong 26 Disyembre 2020.

“Iloilo is not a safe place for Mama and it’s very far away from us. She has been through so much suffering. We appeal to government authorities to give her a chance to live a peaceful life and receive the proper medical care she needs. Please release her on humanitarian grounds and allow us to take care of her,” sabi ni Ron.

Wala pang pahayag ang Malacañang sa apela ng KAPATID at kaanak ni Adora.

About Rose Novenario

Check Also

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Navotas tumanggap ng 145 bagong athletic scholars

Navotas tumanggap ng 145 bagong athletic scholars

NAG-ALOK ang pamahalaang lungsod ng Navotas ng scholarship sa 145 Navoteño elementary at high school …

TiboQC Federation Pride March QC Joy Belmonte

300 miyembro ng TiboQC lalahok sa Pride Month

MAHIGIT 300 miyembro ng TiboQC Federation ang inaasahang lalahok sa Pride March sa lungsod sa …

Lunod, Drown

Naligo sa ulan 
8-ANYOS TOTOY PATAY SA CREEK

WALA NANG BUHAY nang matagpuan ng mga rescuer ang katawan ng isang batang lalaki na …

dead gun police

Mangingisda patay sa pamamaril

PATAY ang isang mangingisda matapos pagbabarilin ng hindi pa nakikilalang salarin sa bahagi ng karagatan …