Friday , March 29 2024
Quezon City QC
Quezon City QC

7 pusher huli sa buy bust sa Kyusi

INARESTO ng mga awtoridad ang pitong tulak matapos makompiskahan ng P204,000 halaga ng shabu sa magkakahiwalay na ikinasang buy bust operations sa Quezon City, Sabado ng gabi.

Ayon kay Quezon City Police District (QCPD) Director, P/BGen. Nicolas Torre III, unang nadakip ng mga operatiba ng Holy Spirit Police Station (PS 14), na pinamumunuan ni P/Lt. Col. Alex DJ Alberto, ang mga suspek na sina Glessie Romitnan, 40; Richard Marcos, 40, kapwa residente ng Brgy. Pasong Tamo; William Adriano, 24; Laurence De Guzman, 25, at Reymar Bulacan, 24, pawang nakatira sa Brgy. Holy Spirit, QC.

Ang limang drug suspects ay naaresto sa buy bust operation na isinagawa ng mga operatiba ng PS 14, bandang 10:50 ppm, 27 Agosto sa Ramos Compound, Philand Extension, Brgy. Pasong Tamo, sa lungsod.

Nakompiska sa mga suspek ang aabot sa 15 gramo ng shabu na nagkakahalaga ng P102,000 at buy bust money.

Samantala, nadakip ng mga operatiba ng Galas Police Station (PS 11), sa pamumuno ni P/Lt. Col. Richard Ian Ang, ang mga drug suspect na sina Mark Leyner Clocar, 32, residente sa Brgy. San Francisco, General Trias, Cavite City, at Fatima Somagomba, 32, ng Brgy. 648, Quiapo, Maynila.

Ang dalawa ay naaresto sa hiwalay na buy bust operation ng PS 11 bandang 11:30 pm, 27 Agosto, sa Quezon Ave., corner R. Familara, Brgy. Tatalon, at nakopiskahan ng higit sa 15 gramo ng shabu na nagkakahalaga ng P102,000.

Inihahanda ang kasong paglabag sa R.A. 9165 o The Comprehensive Dangerous Drugs Act of 2002 laban sa mga nabanggit na suspek.

“I express my appreciation to the unyielding hard work in conducting operations against illegal drugs of PS 11 and PS 14 operatives, which led to the successful arrest of the suspects and the seizure of the pieces of evidence. May this accomplishment serve as a warning to those other drug suspects who continuously engage in drug-related activities,” pahayag ng QCPD chief. (ALMAR DANGUILAN)

About Almar Danguilan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …