Sunday , October 2 2022
AJ Raval Sitio Diablo

AJ Raval reyna pa rin ng Vivamax; tumodo sa aksiyon at kama

SHOWBIZ KONEK
ni Maricris Valdez Nicasio

MULING pinatunayan ni AJ Raval na siya pa rin ang nag-iisang reyna ng Vivamax! Ito’y matapos mapatunayang kahit sa action film, kakasa siya. 

Ibang AJ ang mapapanood sa mapangahas na action film ni Roman Perez Jr, ang Sitio Diablo  na mapapanood na simula Agosto 26 sa Vivamax.

Matagal nang pangarap ni AJ na mag-aksiyon katulad ng kanyang amang si Jeric Raval kaya hindi na kami nagtaka na kaya ng aktres na gumalaw-barako. Kuwento nga niya, bata pa lang siya’y sinasanay na siya ng kanyang ama sumipa at sumuntok. At ito’y naipakita niya sa pelikula na ang kuwento ay ukol sa kaliwa’t kanang gang wars at iba’t ibang klase ng krimen, ito ang araw-araw na buhay sa Sitio Diablo, ang buhay na kinasanayan ni Aina (AJ). Galing sa pamilya ng mga gang leader, hindi na bago kay Aina na kumita ng pera galing sa pagnanakaw, droga, mga ilegal na armas, pati sa pagpatay. Malaking impluwensiya sa kanya ang yumaong ama at nakulong na kapatid na si Tonix (Benz Sangalang), na naging leader ng Los Hijos Diablos, ang pinaka-notorious at kinatatakutang gang sa kanilang lugar. 

Nagkatawanan naman sa isang eksenang lumabas si AJ na two months pregnant. Kasi naman nababalita ang aktres na nabuntis umano ni Aljur Abrenica.  Kaya tsika ng isang kasamahang manunulat, “buntis pala talaga si AJ…sa pelikula. Ginamit na publicity?! Ha ha ha.”

Kasama rin si Kiko Estrada (Bullet) lider ng Illustrado gang at kinakasama ni Aina. Pero ang kanilang maikling pamumuno ay agad na naharap sa problema dahil nalaman nila ang tungkol sa paglaya ni Tonix at ang plano nitong pagbawi sa kanyang trono bilang pinaka-kinatatakutang gang leader. 

Ang Sitio Diablo ay isang sexy-action film kaya naman todo-bigay din sina AJ at Kiko sa kanilang maiinit na eksena na hindi kinaya ng tatay ng aktres na mapanood.  

Samantala gusto naming palakpakan ang mahusay na pagganap ni Benz na kapatid ni AJ at lider ng Diablos. May karakter o angas si Benz kaya bagay sa kanya ang kontrabida role kompara sa paggawa niya ng mga sexy film. Maayos din ang pagkakaganap nina Karl Aquino na kasama ni Kiko sa gang at  Because na bagamat rapper ay mahusay umarte.

Sa pelikulang ito’y pinatutunayan ni AJ kung bakit siya ang most sought-after sexy actress mula sa mga top-rated niyang Vivamax Originals kagaya ng Paglaki ko, Gusto Ko Maging Pornstar, Crush kong Curly, Death of a Girlfriend, Kaliwaan, Taya, Hugas, at Iskandalo.

About Maricris Valdez Nicasio

Check Also

Barbie Imperial Carlo Aquino Trina Candaza

Barbie sa bintang na dahilan ng hiwalayang Carlo-Trina: Parang ‘yung mga tao gigil na gigil maging kabit ako ‘no? 

SHOWBIZ KONEKni Maricris Valdez Nicasio TILA nanggigigil si Barbie Imperial sa mga netizen na nagbibintang sa kanya …

Blind Item, Man Woman Fighting

Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Vhong Navarro Ogie Diaz

Ogie ibinuking: Vhong dineadma ng isang kaibigan

MA at PAni Rommel Placente SABI nga, kapag ang isang tao ay gipit o may …

Polo Ravales

Polo sobrang naiyak nang tamaan ng Covid ang buong pamilya

MA at PAni Rommel Placente NOONG June 27 ay 40th birthday ni Polo Ravales. Supposedly, magkakaroon siya ng …

Sean de Guzman

Sean nakapagpundar na ng bahay at lupa

REALITY BITESni Dominic Rea SA magkasunod na buwan ay dalawang International trophy ang nasungkit ni Sean …