Friday , March 29 2024
Sipat Mat Vicencio

Si Totoy sa Harapan ng Eskaparate

SIPAT
ni Mat Vicencio

GANYAN nga Totoy

busugin mo ang ‘yong mga mata.

Sa bawat ikot ng nakatuhog na manok

at sa bawat patak ng mantikang katakam-takam

ang manok ay di mo dapat pakawalan.

Titigan mong mabuti Totoy

at kung maaari

ay huwag kang kukurap

pagkat ang mahalaga

mabusog ang mga mata mong dilat.

Ngunit mag-iingat ka lang Totoy

baka mapansin ka ni Beho

na may-ari ng restaurant

galit ‘yan sa mga katulad mong

laging nasa harapan ng eskaparate

at baka mahataw ka ng dalang pambugaw

sa tulad mong aaligid-aligid na langaw.

Kaya alisto ka Totoy

baka makita ka ni Beho

na nakatunghay sa nakatuhog na manok

at ipahuli ka sa mga pulis

na di nagbabayad ng pananghalian

sa kanyang restaurant.

O, bakit ka dumampot ng bato Totoy?

Babasagin mo ang eskaparate?

Hindi mo na ba matiis ang gutom?

Baka may ibang paraan pa Totoy

sandali lang Totoy

papalabas si Beho

Totoy takbo… takbo… bilis!!!

     “mulis, mulis…

       mananakaw, mananakaw

       akyin tsiken nguha!

       Mananakaw… mulis!”

(Batay sa Social Weather Station survey, umaabot sa 12.2 porsyento o 3.1 milyong pamilyang Filipino ang nakaranas ng gutom simula Enero hangang Abril 2022 dahil sa kakulangan ng pagkain.

Nakapagtala ng pinakamataas na insidente ng kagutuman, batay sa SWS, sa Metro Manila na may rekord na 18.6 porsyento o tinatayang 636,000 pamilya ang walang makain.)

About Mat Vicencio

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …