Thursday , April 18 2024
Baggao Cagayan

Hagupit ng bagyong Florita
BAGGAO, CAGAYAN BINAHA, 3 TULAY HINDI MADAANAN

TULUYANG lumakas ang bagyong Florita (international name: Ma-on) nitong Martes ng umaga, 23 Agosto, nagdulot ng walang tigil na ulan at malalakas na hangin sa bayan ng Baggao, lalawigan ng Cagayan.

Sa pinakahuling situational report na kinalap mula kay Narciso Corpuz, hepe ng Baggao Municipal Disaster Risk Reduction and Management Office (MDRRMO), nag-iwan ang bagyong Florita ng tatlong hindi madaanang mga tulay sa nabanggit na bayan dahil sa dulot nitong pagbaha.

Tinukoy ang Bagunot Bridge sa Brgy. San Isidro, Taytay Bridge at Sippaga Bridge, parehong sa Brgy. Nangalinan, pawang hindi madaanan dahil sa pagbaha sanhi ng pag-ulang dala ng bagyo.

Hindi rin madaanan ang Zone 7 sa Brgy. San Vicente at Zone 4 sa Brgy. Taytay dahil sa tumataas na tubig sa kalsada.

Naiulat ang patay-sinding koryente sa ilang mga barangay.

Naitala ang mga sumusunod na bilang ng mga pamilya at mga indibidwal na inilikas mula sa kanilang mga tahanan at pansamantalang pinasilong sa mga nakatalagang evacuation center at iba pang establisimiyento kabilang ang mga pribadong bahay:

Brgy. Taytay, 36 pamilya/103 katao (Salinong Multi-Purpose Hall);

Brgy. Bitag Grande, 19 pamilya/60 katao (Private Houses);

Brgy. Bagunot, pitong pamilya/18 katao (ec-brgy hall and private houses);

Brgy. San Francisco, limang pamilya/15 katao (ec-private houses);

Brgy. Temblique, isang pamilya/dalawang katao (ec-private house); Brgy. Barsat East, 96 pamilya/240 katao (ec-brgy hall);

Bgry. Dalla, 14 pamilya/43 katao (ec-school);

Brgy. Alba, siyam na pamilya/29 katao (ec-school);

Brgy. Versosa, 36 pamilya/88 katao (private houses and brgy. Hall);

Brgy. Dabbac, 1 katao;

Brgy. Agaman Sur, apat na pamilya/9 katao;

Brgy. Asassi, limang pamilya/15 katao;

Brgy. Nangalinan, 24 pamilya/ 75 katao;

Brgy. Remus, pitong pamilya/ 25 katao; at

Brgy. San Isidro, siyam na pamilya/46 katao.

Gayondin, nananatiling suspendido ang mga klase mula pre-school hanggang college level (public at private); habang patuloy ang operasyon ng mga pribado at pampublikong tanggapan ayon sa kautusan ni Cagayan Governor Manuel Mamba.

About hataw tabloid

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …