Thursday , May 30 2024
Bongbong Marcos BBM Sugar

150,000 MT asukal pinaboran ni FM Jr para angkatin 

PUMAYAG si Pangulong Ferdinand Marcos Jr., na mag-angkat ng 150,000 metriko toneladang (MT) asukal.

Ito umano ang napagkasunduan sa ginanap na pulong nina FM Jr., Senate President Juan Miguel Zubiri, at mga kinatawan ng sugar industry sa Malacañang kamakalawa, ayon kay Press Secretary Trixie Cruz-Angeles.

Ngunit wala pang itinakdang petsa kung kailan magaganap ang sugar importation.

Nauna rito’y ibinasura ni FM Jr., ang Sugar Order No. 4 na nagtatakdang mag-angkat ng 300,000 MT asukal.

Matapos ibasura ni FM Jr., ang Sugar Order No. 4, nagbitiw ang apat na opisyal ng Sugar Regulatory Administration (SRA) at iniimbestigahan ng Palasyo at Kongreso ang usapin.

Kaugnay nito, sinalakay ng mga ahente ng Bureau of Customs (BoC) ang dalawang bodega na pagmamay-ari ni Victor Chua.

Natuklasan ng mga awtoridad ang may 25,000 hanggang 30,000 sako ng iba’t ibang klase ng asukal na ayon kay Chua ay ‘locally purchased.”

Binigyan si Chua ng 15 araw para makapagpresinta ng mga kaukulang dokumento at iba pang ebidensiya upang hindi sampahan ng kaso at hindi makompiska ng pamahalaan ang  asukal sa kanyang mga bodega.

Nauna rito’y, sinalakay rin ng BoC ang isang bodega sa Lison Building upang beripikahin ang matagal nang sumbong sa kanila na iniimbakan ito ng smuggled sugar mula sa Thailand.

“The initial report reaching the BoC concluded that the sacks of sugar ‘appeared old and dusty’ evidenced of its prolonged storage/hoarding (presumably) to dictate the market prices of sugar,” ayon sa kalatas ng Office of the Press Secretary (OPS).

About hataw tabloid

Check Also

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …

Arrest Caloocan

Wanted sa kasong Murder
MISTER HOYO SA KANKALOO

ARESTADO ang isang mister na wanted sa kaso ng pagpatay sa isinagawang manhunt operation sa …