Tuesday , September 27 2022
Senate Philippines

Simula sa Lunes, 15 Agosto
SENADO LOCKDOWN SA LOOB NG 21 ARAW 

MATAPOS magsunod-sunod na magpositibo ang ilang mga senador sa CoVid-19, nakatakdang magpatupad ng tatlong linggong lockdown ang senado sa mga bisita.

Ayon kay Senate President Juan Miguel Zubiri magsisimula ang lockdown sa mga bisita sa darating na  Lunes, 15 Agosto 2022.

Tanging ang mga resource person sa mga pagdinig ang kanilang maaaring tanggapin ngunit limitado rin.

Tinukoy ni Zubiri, tatlo lamang kada agency o organization ang kanilang tatanggapin, ang mismong resource person at dalawa niyang staff.

Ipinunto ni Zubiri, ang iba naman ay maaaring maging bahagi ng pagdinig sa pamamagitan ng dating pamamaraan — remotely o virtual.

Bukod dito sinabi ni Zubiri, kailangan magpresinta ng negative RT-PCR test rest na mayroong QR Code na kinuha sa loob ng 24-oras ang dadalo sa pagdinig o dili kaya ay negative antigen result na kinuha sa loob ng 12 oras sa accredited laboratory ng Department of Health (DOH).

Hindi tatanggapin ng senado ang self-antigen test na walang sapat na sertipikasyon mula sa mga accredited laboratory ng DOH.

Binigyang-linaw ni Zubiri, maging ang mga senador ay limitado sa dalawang staff maliban sa pinuno ng komite.

Samantala, sa sesyon ay tinukoy ni Zubiri na mananatili ang naunang panuntunan na dalawamg staff kada senador.

Maging ang pagsakay sa senate elevators ay limitado sa limang tao.

Bukod dito, ipatutupad sa senado ang one sit apart at palagiang paghuhugas ng kamay, pagwiwisik ng alcohol, at pagsusuot ng face mask maliban kung sila ay kumakain at uminom.

Kabilang sa mga senador na nagpostibo sa CoVid-19 ay sina Senador Imee Marcos, Cynthia Villar, at Alan Peter Cayetano. (NIÑO ACLAN)

About Niño Aclan

Check Also

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Angat Dam

Sa kabila ng patuloy na pag-ulan…
TUBIG SA ANGAT DAM BUMABABA PA RIN

SA kabila ng patuloy na pag-ulan sa Metro Manila at mga karatig-lugar, patuloy na bumababa …

Bong Revilla Jr Lani Mercado

Sen Bong wala nang balak tumakbo sa mas mataas na posisyon

SHOWBIZ KONEKni Maricris Valdez Nicasio “SA kanila na ang posisyon!” Ito ang iginiit ni Sen Bong Revilla nang …

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …