Tuesday , April 16 2024
Jane de Leon Darna Vilma Santos

Jane kinilig, nagulat sa mensahe ni Ate Vi — Nasa ‘yo ang bato pangalagaan mong mabuti

SHOWBIZ KONEK
ni Maricris Valdez Nicasio

GULAT at excitement ang nakita namin kay Jane de Leon nang magbigay ng mensahe ang Star For All Seasons na si Vilma Santos sa grand mediacon ng Mars Ravelo’s Darna noong Lunes ng gabi.

Si Jane ang bagong Darna samantalang sinasabing si Ate Vi ang pinakasikat na naging Darna. 

Si Darna ay isang local heroine na nilikha ni Mars Ravelo — babaeng matapang at handang ipagtanggol ang sinumang nangangailangan. I’m lucky enough na makagawa ng apat na ‘Darna,’” umpisa ni Ate Vi sa mensahe kay Jane na kitang-kita ang pagkakilig ng batang aktres nang tawagin ang pangalan ni Ate Vi para sa bideo message.

“‘Yung pagiging Darna, relevant ‘yan, eh, lalo na ngayon na napupuno tayo ng challenges sa buhay.

“‘Yung character niya ay nagbibigay ng inspirasyon sa mga tao, and faith that everybody can be Darna. As long as you’re willing to help other people, you’re considered a hero,” sabi pa.

Maraming nag-aasam na maging Darna. Icon na ‘yung character. Malaking, malaking karangalan ‘yan para sa isang artista na tulad ko na makaganap bilang isang Darna.

“Ngayon, Jane, na ikaw ang napiling Darna, bigyan mo sila ng inspirasyon na mayroon pa ring pagmamahal, mayroon pa ring tiwala, at mayroon pa ring pag-asa. Ang daming humawak ng batong ‘yan.

“Ngayon, Jane, na sa ‘yo ang bato. Pangalagaan mo iyang mabuti. Maging ehemplo ka ng henerasyon ngayon. I wish you all good luck. Nandito lang ako to support you,” paalala at payo ni Ate Vi.

Nanawagan din ang veteran actress na subaybayan ang pagiging Darna ni Jane, “Ako po si Ate Vi, ang Darna ng mga nakaraang henerasyon. At ngayon po, inaanyayahan ko kayong suportahan ang Darna ng bago nating henerasyon, si Jane de Leon,” anito.

Lumipad bilang Darna si Ate Vi sa apat na pelikula mula 1973 hanggang 1980 — ito ay sa Lipad, Darna, Lipad,Darna and the Giants, Darna vs the Planet Women, at Darna at Ding.

Natatawang napipipi naman si Jane nang hingan ng reaksiyon ukol sa mensahe ni Ate Vi. Anito, “Ang aga ha! Maraming, maraming salamat po sa lahat ng mga nagtitiwala.

“Actually, hindi ko ini-expect na mayroon akong message from Tita Vilma Santos. Gagawin ko ang best ko para sa inyong lahat. Maraming, maraming salamat po. Ang aga! Hindi ko in-expect.”

Ang Mars Ravelo’s Darna ay idinidirehe ng premyadong filmmaker na si Chito Roño kasama sina Avel Sunpongco at Benedict Mique. Lilipad na ito sa August 15 sa Kapamilya Channel, TV5, A2Z, Kapamilya Online Live at iWantTFC.

About Maricris Valdez Nicasio

Check Also

Donny Pangilinan Ina Raymundo

Donny nakapaglabas ng raw emotions habang kaeksena si Ina

MA at PAni Rommel Placente AYON kay Ina Raymundo, naging madali lang para sa kanya na …

Jo Berry Lilet Matias Attorney At Law

Serye ni Jo Berry hataw sa ratings

COOL JOE!ni Joe Barrameda BIHIRA man nating mapanood si Jo Berry ay maganda naman ang ibinibigay sa …

Barbie Forteza David Licauco Julie Ann San Jose Rayver Cruz, Ruru Madrid Bianca Umali

Sparkle artists kinasabikan sa Calgary

COOL JOE!ni Joe Barrameda MALAKI ang agwat ng ratings ng pilot episode ng It’s Showtime sa GMA 7 over Eat …

Bong Revilla Jr PMPC

Sen Bong nakipag-bonding sa PMPC

COOL JOE!ni Joe Barrameda MASAYANG nakipag-bonding noong Linggo, April 7, si Sen. Bong Revilla sa mga miyembro ng Philippine …

Pokwang Lee O’Brian Malia

Pokwang payag madalaw ng anak si Lee O’Brian sa Amerika

MA at PAni Rommel Placente SA exclusive interview nI Pokwang Fast Talk With Boy Abunda noong Huwebes, April …