MATABIL
ni John Fontanilla
HANDANG-HANDA nang sumabak sa mga matured role ang dating child star na si Elijah Alejo via Kapusoserye, Underage.
Kuwento ni Elijah excited na siyang mag-taping ng Underage. “Tito John sobrang happy ako kasi ito ‘yung masasabi kong big break ko simula nang mag-artista ako, kasi this time bida na ako sa next project ko.
“Nakalulungkoy lang kasi ‘di na nakita ni Tita Jenny (namayapang manager nito), pero alam kong masaya siya sa itinatakbo ng career ko ngayon kasi ‘yun naman ang gusto niya.
“Nabasa ko na po ‘yung script inabot nga po ako ng mading araw sa pagbabasa hahaha, pero sobrang ganda po niya at excited na akong mag-taping,” masayang sabi ni Elijah.
Ginagampanan ni Elijah ang role ni Snooky sa original Underage movie ng Regal Films na pinagbidahan din noon nina Dina Bonnevie at Maricel Soriano.
Makakasama ni Elijah sa Underage sina Lexi Gonzales, Hailey Mendez, Sunshine Cruz, Snooky Serna, Christian Vasquez, Jome Silayan, TJ Trinidad, Yayo Aguila, Jean Saburit, Gil Cuerva, at Vince Crisostomo.
