Thursday , March 28 2024
3 drug suspects timbog sa parak

3 drug suspects timbog sa parak

NAKUWELYOHAN ng mga awtoridad ang tatlong drug personalities sa magkakahiwalay na buy bust operation na ikinasa sa bayan ng Sta. Cruz, lalawigan ng Laguna, hanggang nitong Martes, 2 Agosto.

Sa ulat ni Laguna PPO Acting Provincial Director P/Col. Cecilio Ison, Jr., kinilala ang mga suspek na sina Arthcel Wedingco, alyas Jorjie, 23 anyos; at Rosario Perber, alyas Ayo, 27 anyos, kapwa taga-Brgy. Calios, Sta Cruz; at si Anthony Del Valle, alyas Anton, 49 anyos, ng Brgy. Patimbao, Sta Cruz.

Ayon sa pamunuan ng Sta. Cruz MPS, nagkasa sila ng tatlong magkakahiwalay na buy bust operation na nagresulta sa pagkakaaresto ng tatlong suspek.

Isinagawa ang operasyon laban kay Wedingco, 2:05 am kahapon sa Brgy. Calios, nasamsam mula sa kanya ang tatlong pakete  ng hinihinalang shabu, tinatayang may timbang na 0.90 gramo at nagkakahalaga ng P6, 120, P500 marked money, at isang coin purse.

Samantala, nadakip ang suspek na si Perber dakong 11:10 am nitong Martes, nakompiskahan ng limang pakete ng hinihinalang shabu na nagkakahalaga ng tinatayang P5,500, at may timbang na 0.8 gramo, P500 marked money, at  isang coin purse.

Gayondin, naaresto ang suspek na si Del Valle dakong 7:05 pm kamakalawa sa Brgy. Sto. Angel Sur, Santa Cruz, Laguna, nakompiska mula sa kanya ang dalawang pakete ng hinihinalang shabu, tinatayang may timbang na isang gramo at nagkakahalaga ng P6,800, P500 marked, at coin purse.

Pansamantalang nasa kustodiya ng Sta. Cruz MPS ang mga nadampot na suspek na nakatakdang sampahan ng kasong paglabag sa RA 9165 o Comprehensive Dangerous Drug Act of 2002 habang isusumite sa Crime Laboratory Office para sa pagsusuri ang nasamsam na mga ebidensiya.

Ayon sa pahayag ni P/Col. Ison, “Ang pulisya ng Laguna ay patuloy sa pagsawata at hindi titigil sa pagtugis sa mga hindi tumitigil sa paggamit at pagbebenta ng ilegal na droga.”

Ani P/BGen. Antonio Yarra, Regional Director ng PRO4-A PNP, “Ang pulisya po ng Laguna ay patuloy na gaganap sa kanilang mga tungkulin lalo sa pagsasagawa ng mga operasyon laban sa ilegal na droga na sumisira sa ating mga kabataan.”  (BOY PALATINO)

About Boy Palatino

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …