Tuesday , August 9 2022
Sonny Angara Money Senate

PH gov’t may sapat na pondong pantugon sa kalamidad — Angara

TINIYAK ni Senador Sonny Angara, Chairman ng Senate Committee on Finance sa ilalim ng 18th  at 19th Congress, mayroong sapat na pondo ang pamahalaan sa taong ito para tumugon sa mga kalamidad , matulungan ang mga naapektohan nito, at maging ang mga impraestruktura lalo ang mga national heritage.

Ayon kay Angara, nakapaloob sa ilalim ng 2022 General Appropriation Act (GAA) o ang pambasang budget na pinagtibay ng dalawang kapulungan ng Kongreso at nilagdaan ng Pangulo, bago matapos ang taong 2021, ang kaukulang pondo para sa pagtugon sa anomang kalamidad.

Tinukoy ni Angara, kung hindi siya nagkakamali ay mayroong  P10 o P20 bilyong calamity funds ang pamahalaan para tumugon sa mga kalamidad.

Bukod dito, sinabi ni Angara ang kapangyarihan ni Pangulong Ferdinand Marcos, Jr., na mag-realign ng savings funds ng pamahalaan.

Tinukoy ni Angara, maging ang mga heritage site na nasira ng kalamidad ay maaaring ayusin sa lalong madaling panahon sa pamamagitan ng endowment funds sa ilalim ng Republic Act 10066 o kilala sa tawag na National Cultural Heritage Act.

Kaya’t walang nakikitang dahilan si Angara para hindi agad matulungan ng pamahalaan ang mga kababayang biktima ng kalamidad.

Isa sa tinukoy ni Angara ang agarang pagtungo ni Department of Social Welfare and Development (DSWD) Secretary Erwin Tulfo sa Abra, ang sentro ng 7.3 magnitude na lindol gayondin ang iba pang mga probinsiya sa Norte para ipaabot ang tulong ng pamahalaan ilang oras matapos ang pag-uga.

Aminado si Angara, bukod sa tulong ng pamahalaan ay hindi nawawala ang tulong ng mga pribadong sektor at ilang grupo.

Naniniwala si Angara, hindi malabong makabangon sa lalong madaling panahon ang ating mga kababayan na biktima ng lindol.  

Nauna rito, nagpahayag din si Angara na bukod sa isang buwan niyang suweldo sa senado na kanyang ido-donate ay personal na magbibigay ng tulong na tubig ang kaniyang tanggapan. (NIÑO ACLAN)

About Niño Aclan

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …