Monday , August 8 2022
arrest prison

Ipinagyabang baril at Granada
KELOT SHOOT SA KULUNGAN

SWAK sa loob ng rehas na bakal ang isang lalaki matapos makuhaan ng ipinagyabang niyang baril at granada sa Malabon City, kamakalawa ng gabi.

Kinilala ni Malabon police chief Col. Albert Barot ang naarestong suspek bilang si Reynaldo De Jesus, 49 anyos, residente sa #19A P. Concepcion, Brgy. Tugatog.

Sa imbestigasyon ni PSSgt. Ernie M. Baroy at PSSgt. Mardelio Ostin, nakatanggap ang mga operatiba ng Station Intelligence Section ng information mula sa Barangay Information Network (BIN), dakong 9:25 pm. isang lalaking armado ng ipinagyabang niyang baril ang gumagala sa kahabaan ng F. Sevilla St., Tañong.

Kaagad nagresponde sa naturang lugar ang mga operatiba ng SIS sa pangunguna ni P/Lt. Richel Sinel sa koordinasyon sa Sub-Station 6 at nakita nila ang suspek na nakalabas ang baril sa dala niyang sling bag na nagresulta sa pagkakaaresto sa kanya.

Narekober sa suspek ang isang cal. 38 revolver na may limang bala at nang tingnan ang kanyang sling bag ay nakuha ng mga pulis ang isang granada (Frag, MK2, HE) na itinurn-over sa Station Explosive and Canine Unit (SECU).

Nahaharap sa kasong paglabag sa RA 10591 (Comprehensive Law on Firearms and Ammunitions) at RA 9516 (Illegal Possession of Explosive Device). (ROMMEL SALES)

About Rommel Sales

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …