Bianca ‘di inaasahang magki-klik sa YT

RATED R
ni Rommel Gonzales

SA pamamagitan ng email ay nakakuwentuhan namin si Bianca Umali kamakailan at isa sa itinanong namin ay kung ano ang reaksiyon niya na more than 109,000 na ang subscribers niya sa kanyang Youtube channel na dahilan para magkaroon na siya ng Silver Play Button.

“I am happy and blessed to have my subscribers.

“Never expected that I would succeed in YT, pero ito ako ngayon, masayang-masaya to share bits and pieces of who I really am behind the camera through my videos.”

Marami na ang nag-aabang sa Halfworlds na proyektong fantasy series (Season 3) ni Bianca para sa HBO Asia, ano na ang latest tungkol dito?

“‘Halfworlds S3’ is currently in post-prod. I believe that they are finishing up sa editing. The last time I heard, hopefully, we might air by the third quarter of this year.”

Bukod sa Halfworlds, ano ang project niya sa GMA na aabangan ng kanyang fans and supporters?

“Aside from ‘Halfworlds’ on HBO, please watch out for ‘All-Out Sundays’ and another big project that I am preparing for that I cannot disclose yet. Soon!”

Maraming nagalingan sa martial arts training niya recently sa isang video na nag-trending pa nga.

Paghahanda na ba ito sa susunod mong project?

“Yes. :)”

Isang Sparkle prized artist si Bianca. Sa palagay niya ay ano ang nakita sa kanya ng management para kunin siya bilang artist nito?

“I would like to believe that it is because of how much I love what I do, the industry and how dedicated I am in doing everything.”

Ngayong Sabado, 8:15 p.m. sa GMA ay mapapanood si Bianca sa brand new episode ng Magpakailanman na pinamagatang Insta-Nanay na kasama niya sina JM Bautista, Prince Clemente, Cess Quesada, Mon Confiado, at Rita Avila.

Ito ay idinirehe ni Rechie del Carmen.