Sunday , August 14 2022
Coco Martin

Mahigit 2M views na
FINALE TRAILER NG FPJ’S ANG PROBINSYANO VIRAL

NAG-VIRAL sa social media ang finale trailer ng FPJ’s Ang Probinsyano, tampok si Coco Martin, matapos bumuhos ang pagmamahal ng netizens para sa iniidolo nilang karakter na si Cardo Dalisay na ilang taong sinubaybayan gabi-gabi ng milyon-milyong mga Filipino. 

Pormal nang inanunsiyo ni Coco na matapos ang halos pitong taon ay magtatapos na ang longest-running Philippine teleserye na pumukaw sa puso’t damdamin ng maraming Filipino. Agad na nakakuha ang video ng mahigit dalawang milyong views simula noong ini-release ito.

Mga ka-Probinsyano, dumating na po ang oras. Ang programang minahal ninyo ng pitong taon ay nalalapit na po ang pagtatapos,” ani Coco. 

Malungkot man na tayo’y maghihiwalay, pero walang hanggang pasasalamat ang aming nararamdaman. Nagbago man ang mundo, nandyan pa rin kayo. Kahit man po matapos ang teleseryeng ito, hinding-hindi po matatapos ang pagmamahal namin sa inyo,” dagdag pa niya. 

Ipinasilip din sa Ang Pambansang Pagtatapos finale trailer ang mga kaabang-abang na mga maaaksiyong eksena. Isa na rito ang paghahanda nina Cardo, Task Force Agila, at presidente Oscar (Rowell Santiago) para sa pinakamahalagang misyon nila na susubukan nilang patalsikin si Lily (Lorna Tolentino) para tuluyan na nilang maibalik ang kapayapaan sa bansa. 

Umaatikabong ratratan din ang dapat abangan ng viewers dahil nakatakdang magharap sa huling pagkakataon ang buong puwersa ng Task Force Agila laban sa kanilang mga mortal na kaaway. 

Naging emosyonal ang netizens matapos nilang ibahagi ang kanilang mga saloobin sa pagtatapos ng serye na nagbigay saya at namahagi ng mahahalagang mga aral sa loob ng halos pitong taon. Kaya naman numero unong trending topic sa Twitter Philippines ang “Ang Probinsyano” at “Cardo.”

Huwag palampasin FPJ’s Ang Probinsyano: Ang Pambansang Pagtatapos gabi-gabi sa Kapamilya Channel, A2Z, TV5, CineMo, iWantTFC, at Kapamilya Online Live sa YouTube channel at Facebook page ng ABS-CBN Entertainment.

About hataw tabloid

Check Also

Julie Anne San Jose, Rayver Cruz, Janine Gutierrez, Paulo Avelino

Rayver umamin nililigawan si Julie Anne

UMAMIN na ang Kapuso actor na si Rayver Cruz na nililigawan na niya ang Asia’s Limitless Star …

Blind Item Aktor hirap umupo TV Diretor

Baguhang male star naiskuran ni direk

ni Ed de Leon MATINO naman talaga nang pumasok sa showbusiness ang isang baguhang male star. …

Aga Muhlach

Happy birthday, Aga!

HATAWANni Ed de Leon ISIPIN ninyo, ngayong araw na ito, 53 years old na pala …

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Chloe Jenna Christine Bermas Milana Ikemoto

Chloe Jenna nahirapan makipaghalikan kay Christine 

SHOWBIZ KONEKni Maricris Valdez Nicasio MULING sumabak sa pagdidirehe ng sexy ang singer/aktor na si Jeffrey …