ni ROSE NOVENARIO
PATAY nang bumagsak mula sa ika-apat na palapag ng Mabini Hall ng Malacañang ang isang kawani kanina dakong 6:00 am sa San Miguel, Maynila.
Kinilala ni Press Secretary Trixie Cruz-Angeles ang biktimang si Mario Castro, administrative aide na nakatalaga sa Information Communications Technology Office sa ilalim ng Deputy Executive Secretary for Finance and Accounting.
Sinabi ni Angeles, iniimbestigahan ng Presidential Security Group at Philippine National Police Security Force Unit ang insidente.
Ayon sa source ng Hataw, tumalon umano si Castro ngunit hindi pa ito maberipika dahil ayaw magbigay ng detalye ang Agilex Security Agency at PSG na may mga nakaposteng tauhan sa Gate 7 ng Malacañang nang bumagsak si Castro.
