Friday , August 12 2022
Arrest Caloocan

19 kaso ng rape
TOP MOST WANTED SA ILOCOS NORTE HULI SA KANKALOO

HINDI nakapalagang isang lalaki nang dakpin ng mga operatiba ng Criminal Investigation and Detection Group (CIDG), nakatala bilang top 8 most wanted  person (MWP) ng Ilocos Norte na may kinakaharap 19 kaso ng panggagahasa, sa isinagawang Oplan Pagtugis sa Caloocan City.

Kinilala ang suspek na si Rodrigo Rafael, alyas Jay-Ar Rafael, 39 anyos, electrician, residente sa Purok 5, Sitio 4, Vanguard, Area D, Brgy., 178, Camarin, ng nasabing lungsod.

Batay sa ulat, nakatanggap ng impormasyon ang CIDG RFU NCR tungkol sa pinagtataguang lugar ng akusado sa Caloocan City kaya’t nagsagawa sila ng validation sa naturang lugar para alamin ang hinggil sa nasabing ulat.

Nang mapatunayang positibo ang report, bumuo ng team ang CIDG sa pamumuno ni P/Lt. Col. Calvin Cuyag, kasama ang mga tauhan ng 83rd Coy, RDB, PNP-SAF sa pangunguna ni P/Maj. Rudy Peang, RID PRO1, PIU Ilocos Norte, Banna MPS, TPU Ilocos Norte at mga tauhan ng Carasi MPS, INPPO sa pangunguna ni P/Lt. Cheryll Cacayorin saka isinagawa ang joint manhunt operation dakong 5:30 pm, na nagresulta sa pagkakaaresto sa akusado sa tinutuluyang bahay sa Caloocan City.

Dinakip ang akusado sa bisa ng warrant of arrest na inisyu noong 17 Setyembre 2003 ni Judge Conrado A. Ragucos ng Regional Trial Court (RTC) Branch 16, Laoag City, Ilocos Norte sa 19 kasong Rape. Walang inirekomendang piyansa ang korte para sa kanyang pansamantalang paglaya.

Ang akusado ay kabilang sa mga most wanted persons na may patong sa ulong P.3 milyon sa ilalim ng DILG Memorandum Circulars, may petsang 9 Pebrero 2022 para sa Region 1. (ROMMEL SALES)

About Rommel Sales

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …