RATED R
ni Rommel Gonzales
TINANONG namin si Tetchie Agbayani kung siya ba ang tipo ng artista na kapag ang kaeskena ay hindi handa ay nagtataray o ngangongompronta ng co-star? O hinahayaan na lang niya?
“Ay hindi, hindi ako ganoon. Kasi nanggaling din ako sa newcomer ako, hindi pa ako sanay, ‘di ba? Ako I always like to emphatize with my co-actors.
“‘Yun ang aking motto sa trabaho, emphatize.
“‘Pag may kailangan silang tulong tumutulong ako, ‘pag may mga eksenang pisikal, gusto kong kausapin ‘yung kaeksena ko dahil hangga’t maaari ayoko niyong nananakit.
“Hangga’t maaari kung magagawan naman namin ng paraan na mag-synch kami, mag-coordinate kami, mas maganda lalabas ‘yung eksena na hindi na kailangang magkasakitan talaga.
“So hindi ako ‘yung mataray na co-star na naiinis or napu-frustrate kapag medyo nahihirapan ‘yung co-actor, hindi ako ganoon.
“I’m more motherly,” pahayag ni Tetchie na gumaganap bilang si Sonya de Guzman sa The Fake Life ng GMA.
Nasa The Fake Life sina Ariel Rivera, Beauty Gonzalez, Sid Lucero, na paborito ng aming patnugot dito sa Hataw, Shanelle Agustin, Carlos Dala, Will Ashley, Rina Reyes, Saviour Ramos, Jenny Miller, at Faye Lorenzo.
Ang The Fake Life ay idinirehe ni Adolf Alix, Jr..
