NANANATILING naka haft mast ang bandila ng Japan sa Japanese Embassy sa Roxas Blvd, Pasay City bilang pafgdadalamhati sa pagkamatay ng dating Prime Minister Shinzo Abe.
Kasabay ng pag-alay ng bulaklak at paglagda ng dalawang libro sa loob ng Japanese Embassy ng mga opisyal ng Embahada ng Japan sa Filipinas, dumalo rin ang mga opisyal mula sa iba’t ibang Embahada ng ibang bansa bilang pakikiramay sa yumaong prime minister ng Japan matapos sumpakin ng nag-iisang suspek.
Mahigpit ang seguridad na ipinatutupad ng Japanese Embassy kaya limitado ang pinapayagang makapasok sa loob ng Embahada mula sa mga opisyal at media.
Pinapayagang kumuha ng retrato at video ang mga mamamahayag ngunit hindi maaaring kunan ang mga mukha ng mga opisyal at mga bisita ng Japanese Embassy. (GINA GARCIA)
