Monday , August 8 2022
NIB PCOO Malacanan

 ‘Bata’ ni VP Sara pinalitan ng campaign media bureau chief ni Yorme

KAHIT natalo sa 2022 presidential elections ang kanyang manok, nakasungkit ng posisyon sa administrasyon ni Pangulong Ferdinand Marcos, Jr., ang campaign media bureau chief ni dating Manila mayor at presidential bet Francisco “Isko Moreno” Domagoso.

Nabatid sa inilabas na memorandum ni Press Secretary Trixie Cruz-Angeles kahapon, inirekomenda niya si Raymond Burgos bilang bagong pinuno ng News and Information Bureau (NIB), isang attached agency ng Presidential Communications Operations Office (PCOO).

Si Burgos ay sinabing nagsilbing campaign media bureau chief ni Domagoso sa nakaraang 2022 presidential elections.

Pinalitan niya si Virginia Arcilla-Agtay bilang NIB chief.

Si Agtay ay dating Davao City-based journalist at kilalang malapit kay Vice President Sara Duterte.

Bago inilabas ang memorandum ni Angeles, napabalitang sumulpot sa tanggapan ng NIB si Burgos nitong nakaraang Biyernes ng umaga, 1 Hulyo 2022, at kagyat na nagbigay ng mga direktiba kahit wala pang hawak na dokumento na siya na ang bagong NIB chief.

Nang may kumuwestiyon sa legalidad ng kanyang inasta ay nilisan ni Burgos ang NIB office.

Batay sa Executive Order 292 Chapter 10 Section 47, ang posisyon gaya ng NIB chief o Director level ay dapat italaga ng Pangulo ng Filipinas.

Matatandaan, inakusahan ni dating Sen. Antonio Trillanes si Domagoso bilang nagpapanggap na oposisyon nang tumakbo bilang presidential bet pero ang totoo umano ay idolo ang diktador, Ferdinand E. Marcos, Sr.  (ROSE NOVENARIO)

About Rose Novenario

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …