Friday , March 29 2024
PPA DoTr

Appointment ng PPA GM niratsada
DOTr CHIEF SINAGASAAN

TRADISYON sa Filipinas, sa pagpasok ng bagong administrasyon, binibigyan ng honeymoon period o maayos na pagkakataon, upang ipakita ang suporta at tiwala.

Pero ang tradisyong ito ay nasagasaan sa mapanganib na diskarte ng ilang bagong namumuno.

Tinukoy ng ‘isang opisyal,’ ang insidente ay eksaktong tumutugma kay incoming Executive Secretary Vic Rodriguez nang kaniyang ianunsiyo ang pagtatalaga o appointment kay Christopher Pastrana bilang general manager ng Philippine Ports Authority (PPA).

Ang nasabing appointment ay lubha umanong ikinagulat ng dalawa pang miyembro ng screening committee na sina Naida Angping at Anton Lagdameo.

Ang pinakapinagtatakhan ng lahat ay isinabay pa ang anunsiyo nito kay dating PAL president Jimmy Bautista bilang Department of Transportation (DOTr) secretary.

Ang PPA ay isang attached agency ng DOTr na dapat ay nasuri mismo ni Bautista o nakonsulta man lang ang mamumuno rito bilang kortesiya.

Kabaliktaran ito sa ibinigay na kortesiya kay incoming finance secretary Benjamin Diokno na may timbre ang kanyang appointment ng mga pinuno ng Bangko Sentral Pilipinas (BSP), Bureau of Internal Revenue (BIR) at Bureau of Customs (BoC).

“Kaya naman sa kaso ng PPA kung lalaliman ang pagsusuri ay malalaman kung sino ba talaga si Pastrana at ang kaniyang business partner,” ayon sa ‘opisyal.’

Si Pastrana ay presidente ng dalawang kompanya — Archipelago Philippines Ferries Corporation at Philippine Archipelago Ports and Terminal Services . Ang archipelago ang nagmamay-ari ng FastCat Ferries, samantala ang Philippine Archipelago ang nag-o-operate ng Port terminals.

Sa dalawang usaping ito, sapat na upang madiskalipika si Pastrana para pamunuan ang PPA o iba pang ahensiya na may kinalaman sa kaniyang negosyo.

Pero tila hindi umano ito ‘nasilip’ ni ES Rodriguez, dahil ang business Partner ni Pastrana na si Dennis Trajano ay bilas ng una.

Hindi lang ‘yan, ang bayaw ni Pastrana na si Rommel Ibuna ay isang Port operator, malinaw na may conflict of interest at asahan na makasisira sa imahen ng bagong administrasyon.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …