Friday , March 29 2024
Bulacan Police PNP

14 law violators kinalawit sa Bulacan

MAGKAKASUNOD na pinagdadampot ng mga awtoridad ang 14 kataong pawang may paglabag sa batas sa lalawigan ng Bulacan hanggang nitong Linggo ng umaga, 3 Hulyo.

Batay sa ulat na isinumite kay P/Col. Charlie Cabradilla, acting provincial director ng Bulacan PNP, unang naaresto ang limang suspek sa ikinasang anti-illegal drug operations ng mga operatiba ng mga himpilan ng pulisya ng Baliwag, Malolos, at Plaridel.

Kinilala ang mga suspek na sina Ace Delos Arcos, alyas Toh ng Brgy. Longos, Malolos; Louie Vergara ng Brgy. Bulihan, Malolos; Jesusa De Jesus ng Brgy. Sapang Bayan 3rd Island, Calumpit; Ernesto De Jesus, alyas Estong ng Brgy. Parulan, Plaridel; at Benjie Hermo ng Brgy. Poblacion, Baliwag.

Nakompiska mula sa mga suspek, sa isinagawang operasyon ang siyam na pakete ng hinihinlaang shabu, apat na pakete at dalawang selyadong plastic na bloke ng tuyong dahon ng marijuana, pouch, motorsiklo, at buy bust money.

Gayondin, sa inilatag na anti-illegal gambling operation ng mga elemento ng mga police stations ng Marilao at San Miguel, nadakip ang pitong indibiduwal na kinilalang sina Niño De Guzman ng San Isidro, Nueva Ecija; Darel Maragrag ng Gapan, Nueva Ecija; Rhapunzel Dumpit ng Guagua, Pampanga; Gerald Babela, Joel Lubiano, at Jeffrey Velasquez, pawang taga-Valenzuela; at Diane Rivera ng Marilao, Bulacan.

Nahuli ang mga suspek sa aktong nagsusugal ng cara y cruz at nakompiska mula sa kanila ang anim na pirasong pisong baryang ginamit na ‘pato sa kara’ at perang taya sa iba’t ibang denominasyon.

Samantala, nasukol ang dalawang suspek sa magkahiwalay na insidente ng krimen na naganap sa mga bayan ng Bocaue at Pulilan.

Kinilala ang mga akusadong sina alyas Dave ng Brgy. Longos, Pulilan, may kasong Acts of Lasciviousness kaugnay sa RA 7610 (Child Abuse Law); at Albert Pineda ng Brgy. Batia, Bocaue para sa kasong Theft kaugnay naman sa RA 7610. (MICKA BAUTISTA)

About Micka Bautista

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …