SA PINATINDING Manhunt Charlie operation, nadakip ng mga awtoridad ang top most wanted person (MWP) sa bayan ng Rizal, sa lalawigan ng Nueva Ecija, nitong Lunes, 27 Hunyo.
Ayon kay P/Col. Jess Mendez, acting provincial director ng Nueva Ecija PPO, naglunsad ang mga operatiba ng Rizal MPS ng Manhunt Charlie Operation sa Purok 5, Brgy. Cabucbucan, sa nabanggit na bayan.
Nagresulta ang operasyon sa pagkakaaresto kay Benjamin Rillo, 46 anyos, magsasaka, residente sa naturang barangay at nakatala bilang top 1 MWP sa bayan ng Rizal.
Inaresto ang akusado sa bisa ng Warrant of Arrest para sa dalawang bilang ng kasong Rape, walang piyansa.
Kasalakuyang nasa kustodiya ng Rizal MPS ang suspek para sa nararapat na disposisyon. (MICKA BAUTISTA)
