Monday , August 8 2022
dead baby

95 batang Pinoy patay sa malnutrisyon kada araw

MAY siyamnapu’t limang batang Filipino ang namamatay kada araw dulot ng malnutrition.

“The fragmented and weak health system in the Philippines is chronically in crisis,” ayon kay Dr. Magdalena Barcelon ng grupong Community Medicine Practitioners and Advocates Association (COMPASS) sa panayam ng HATAW.

Aniya, mayorya sa mga Pinoy ay pinagkaitan ng karapatan sa kalusugan sanhi ng kakulangan sa access sa ‘basic health care services and to the sociocultural determinants of health” gaya ng malinis na inuming tubig, sapat na pagkain at kabuhayan.

Isa aniyang malinaw na halimbawa ng sistematikong krisis sa kalusugan ang datos mula sa Department of Health (DOH) na isa sa bawat apat na Pinoy na namamatay ay hindi nakapagpakonsulta sa doktor.

Batay sa datos ng United Nations Children’s Emergency Fund (UNICEF) noong 2018 ay 95 bata ang namamatay kada araw sa Filipinas bunsod ng malnutrition, isa sa bawat tatlong Pinoy na may edad

5 anyos pababa ay bansot at 27 sa bawat 1,000 ang namamatay bago sumapit sa edad na 5-anyos.

Noong nakaraang linggo, inaprobahan ng World Bank ang $178.1 milyong loan para suportahan ang Filipinas sa pagpapatupad ng nutrition project upang matugunan ang problema sa pagkabansot ng mga batang Pinoy.

Sinabi ni Barcelon, ayon sa DOH Field Health Services Information System 2020 Annual Report, may isang government physician sa bawat 32,460 population o ratio na 1:32,460 na malayo sa rekomendasyon ng World Health Organization na  1:1,000 population.

Paliwanag niya, kahit kada taon ay may

health science colleges graduate na 38,000 nurses at 4,500 doctors at may 144,360 registered doctors sa bansa, may 10,482 doctor lamang sa DOH at 5,484 ang naglilingkod sa rural health units.

Iniulat din ng DOH na mula sa 40,775 practicing doctors noong 2017, nabawasan ito at naging 28,800 hanggang noong 31 October 2021. (ROSE NOVENARIO)

About Rose Novenario

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …