Saturday , June 15 2024
Car Wash

Silid sinalakay ng kaalitang katrabaho
CARWASH BOY PATAY, KASAMA SUGATAN

HINDI nakaligtas ang isang trabahador sa isang carwash shop habang sugatan ang isa pa nang salakayin ng kasamahan sa trabaho sa loob ng kanilang silid dakong 2:43 am nitong Martes, 21 Hunyo, sa lungsod ng Iligan, lalawigan ng Lanao del Norte.

Nagresponde ang mga awtoridad sa ulat sa kanila ng isang concerned citizen na may natagpuang babae at lalaking nakahandusay sa kanilang kama na naliligo sa sariling dugo.

Pinaniniwalaang ilang beses pinagpapalo ang mga biktima ng matigas na bagay.

Ayon kay P/Maj. Zandrex Panolong, tagapagsalita ng Iligan CPO, wala pang narerekober na ebidensiya sa pinangyarihan ng krimen.

Kinilala ni Panolong ang lalaking biktima na si Jason Socoro, 27 anyos, carwash boy, idineklarang patay ng mga nagrespondeng medical personnel, habang dinala sa Don Gregorio T. Lluch Memorial Hospital (DGTLMH) ang babaeng biktimang kinilalang si Ginalyn Ambalong, 25 anyos, walang trabaho.

Kinilala rin ang suspek na isang Ramil Gabonales, residente sa Brgy. Maranding, bayan ng Lala, sa nabanggit na lalawigan.

Sa imbestigasyon, nabatid na kapwa empleyado sina Socoro at Gabonales ng Ewaton carwash na pag-aari ng isang Saadodin Pendaton.

Sa salaysay ng caretaker na si Orlando Labajo, nakatira ang mga biktima sa likod ng shop habang ang suspek ay tumutuloy sa mismong carwash shop.

Nabatid na dati nang may hindi pagkakaunawaan at personal na alitan ang biktima at ang suspek.

Nagsasagawa ang intel operatives ng hot pursuit operation para madakip ang tumakas na suspek na hindi na makita sa lugar.

About hataw tabloid

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …