Tuesday , March 19 2024
Joel Lamangan Ate Gay

Ate Gay ipinahanap, personal choice ni Direk Joel sa isang role

HARD TALK
ni Pilar Mateo

ABOT-LANGIT siyempre ang pagpapasalamat ng komedyanteng si Ate Gay sa sunod-sunod na pagdating ng mga biyaya sa kanyang buhay.

Sa kabila ng makailang beses na pagkalugmok sa buhay, patuloy na bumabangon at hindi ito bumibitaw sa kanyang laban.

Pagdating sa sing-along o comedy bar scene, namamayagpag pa rin si Ate Gay. Kaya naman kaliwa’t kanan pa rin ang dating ng nga imbitasyon sa kanya para mag-perform sa iba’t ibang panig ng bansa.

Nakasama ko sa Laguna, sa Liwanag Bar and Grill si Ate Gay with Dax Martin and EJ Salamante. Punumpuno ang venue na ang nag-anyaya ay si Dante Salamat na mas kilala bilang si Cool Boss.

Pero bago sumabak sa performance nila sa nasabing bar ng gabing ‘yun si Ate Gay, hindi ito mapakali.

Bakit? 

Kagagaling lang niya sa story conference ng Peyri Teyl para sa AQ Prime na si Joel Lamangan ang direktor.

Nahilo at nabahala ito nang may mag-send sa kanya ng skeds ng magiging shoots niya for the said film. Eh, masasagasaan ang mga nasagutan na niyang bookings sa ilang lalawigan.

Kaya, habang hinihintay ang service van pa-Laguna roon sa Music Box, hindi tumitigil ito sa pagtawag sa tao ng AQ Prime dahil nagbigay na siya ng kanyang sked at alam niya na walang masasagasaan sa sinabi niyang skeds.

Dahil ayaw niya mawala ang proyekto at gustong-gusto niya ang papel na gagampanan bilang isang mabait na diwata, nagpa-rebook ng mas maagang flight niya si Ate Gay sa isang raket niya para umabot siya sa gaganaping shoot in July.

Ang mga angel ni Ate Gay ang tuwang-tuwa. Dahil nakita nila kung gaano ka-gusto ni direk Joel na huwag mawala sa proyekto si Ate Gay.

Say naman ng Diwata, este komedyana, “Siyempre, alam naman natin ang working attitude ni Direk. Ayaw ng nale-late. At gusto ready ka na pagdating sa set. Kaya pinapakaba naman ako nitong sinabihan ko na ng mga sked ko, magugulo pa ‘ata. Ayaw kong mawala ang project. Eh, hindi rin naman pwede mawala ang mga raket at na-set na ‘yun!”

Nakatutuwa ang kuwento sa pagsasabi ni direk Joel na umano wala na siyang maisip na makagaganap sa papel na gagawin ni Ate Gay.

Eh, isa nga ako sa natanungan ng number ni Ate Gay dahil ipinahanap siya talaga ni Direk Joel sa staff ng AQ Prime!

About Pilar Mateo

Check Also

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Vilma Santos

Ate Vi dinaragsa ng movie offer para sa MMFF 2024

HATAWANni Ed de Leon TALAGA bang puro Metro Manila Film Festival (MMFF) movies na lang ang pinaghahandaan …

Kim Chiu Paulo Avelino Whats Wrong With Secretary Kim

Kim Chiu at Paulo Avelino tiniyak na kargado sa kilig, seryeng What’s Wrong With Secretary Kim 

ALAM MO NA!ni Nonie Nicasio PANGMALAKASANG chemistry ang makikita kina Kim Chiu at Paulo Avelino sa local adaptation …

Private Convos with Doc Rica MTRCB

MTRCB ibinasura apela sa suspension ng Private Convos With Dr. Rica

IBINASURA ng Movie and Television Review and Classification Board (MTRCB) ang apela ng Cignal TV Inc at ng programa …