Saturday , July 2 2022
arrest prison

Bading na-rescue, 5 suspek hoyo sa Kankaloo

 LIMANG suspek na kapwa bading ang naaresto matapos salakayin ng pulisya ang isa umanong cybersex den kung saan narescue ang isang biktima  sa Caloocan City, kamakalawa ng hapon.

Kinilala ang mga dinakip na suspek na sina Carlos Carpio Jr, alyas Carla, 25 anyos, John Vincent Angeles, 19 anyos, Joel Pascual, 24 anyos na pawang bading, Michael Legazpi, 18 anyos,  at Marc Ryan Carpio, 26 taong gulang.

Sa ulat, personal na nagtungo sa opisina ng NMMDFU CIDG NCR ang isang CI upang ireport na ang kanyang kaibigan na si John Jover Pasig, 20 anyos na isang bakla ay ikinulong umano sa loob ng bahay ni alyas Carla sa #465 Interior 3, Heroes Del 96, Brgy. 73, Caloocan City at napilitang magtrabaho sa isang Cybersex Activity bilang bayad sa kanya umanong utang.

Agad ikinasa ng mga operatiba ng CIDG NDFU, kasama ang WCPS-NPD at DSOU-NPD ang rescue operation sa naturang lugar dakong 5:00 ng hapon na nagresulta sa pagkakasagip sa biktima at pagkakaaresto sa mga suspek matapos maaktuhan ang ilan sa mga ito na nakahubad habang gumagawa ng perverted at indecent acts sa harap ng mga personal computer na may webcam.

Nakumpiska ng pulisya ang dalawang sets ng personal desktop computers; isang 32′ colored monitor(Aquos); dalawang Dildo (sex toys); isang bottle ng liquid lubricant; isang wearable fake silicone breast; 14 pirasong assorted condoms; 4 pirasong assorted colored hair wigs; at assorted sexy costumes/clothing.

Ani pulisya, ang mga naarestong suspek ay kilala bilang mga miyembro ng “CARLA Group” na responsable umano sa maintaining Cybersex Activities sa area ng CAMANAVA.

Nahaharap ang mga suspek sa kasong paglabag sa RA 9208 (Anti-Trafficking in person) RA 10175 (Anti-Cyber Crime Law, Art. 268 (Slight Illegal Detention) and Art. 201 (Immoral Doctrines, Obscene Publications and Exhibitions and Indecent Shows) of the RPC. (ROMMEL SALES)

About Rommel Sales

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …