Tuesday , March 19 2024
Carla Abellana Tom Rodriguez Rey PJ Abellana

Tom muling nakipag-usap kay Rey bago lumipad ng US

HARD TALK
ni Pilar Mateo

NAKAPAGKUWENTO na pala ang Tito Jojo Abellana ni Carla sa present state ng marriage nito at ni Tom Rodriguez.

Sa tsika ni Jojo with Giselle Sanchez na lumabas sa pitak ng huli sa isang broadsheet, ang nasabi nga ni Jojo ay ang pagsasaayos na ng annulment ng mag-asawa.

Naibalita naman na rin namin ang ilang pagkakataong dumadalaw si Tom sa bahay ng biyenang si Rey Abellana. Para kausapin ito. At kalaunan ay magpaalam.

Nauna na nga ritong naibalita ni Rey sa isang panayam ang pag-amin ni Tom sa naging kasalanan sa anak niya pero hindi naman idinetalye. At nang awayin ni Carla ang ama sa ginawang pagsasalita eh, nanahimik na lang ito. Dahil hindi lang si Carla ang nag-bash sa kanya kundi pati ang Ate ni Carla na si Rea.

Bago tuluyang lumipad sa Amerika si Tom, muli na naman itong nagpaalam sa biyenan. At kalaunan, nasabi na rin nito kay Rey na oo, aasikasuhin na niya ang annulment. Dahil mukhang wala na sa puso nito ang patawarin at tanggapin pa siya ni Carla.

Move on. Move forward.

Kung titingnan, sa mga ipinukol ng mga anak niya kay Rey na pinalabas na pakikialam gayong wala naman daw itong naging partisipasyon sa buhay nila, ngumingiti na lang si Rey at nagkikibit-balikat.

Sa pagkakilala ko kay Rey ng apat na dekada, hindi nga ito ang tipong masalita sa mga bagay na mas gusto niyang maayos sa tahimik na paraan.

Kung may mga hamon na dumarating sa buhay niya at ng pamilya, hindi mo rin kakikitaan ng panghihina ang haligi ng tahanan.

May stage 2 breast cancer ang ikatlong maybahay nito na si Sheena. Na inoobserbahan pa rin ang magiging kagalingan.

Kaya hinahayaan lang ito ni Rey na magpakasaya with friends. Kain, pasyal, sine at higit sa lahat, maging abala sa social media! 

May proyekto na namang sisimulan sa GMA-7 si Rey at nakatakdang sumalang sa locked in taping in July.  

About Pilar Mateo

Check Also

Repakol Siakol

Repakol handang-handa na para sa US tours

HANDANG-HANDA na para sa kanilang US Tour, Tropa North Bound Tour ang bandang Repakol (Siakol) sa Abril, Mayo, at …

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

Ysabelle Palabrica Vehnee Saturno

Newbie singer na si Ysabelle ire-revive Kaba ni Tootsie

RATED Rni Rommel Gonzales ANAK ni Bingawan City (of Iloilo) Mayor Mark Palabrica ang newbie female singer …

Dingdong Dantes Marian Rivera  My Guardian Alien Family Feud

My Guardian Alien cast magbabakbakan sa Family Feud

I-FLEXni Jun Nardo BUWENA-MANO na guest ang cast ng GMA series na My Guardian Alien sa second anniversary ng Family …

Martin Nievera Vicor Music Viva

Tell Me ni Joey Albert bubuhayin ni Martin, umpisa ng mas magarbong career

I-FLEXni Jun Nardo BINALIKAN ni Martin Nievera ang ugnayan niya sa Vicor Music at Viva nang muli siyang pumirma ng kontrata …