Thursday , March 30 2023
Robert Empedrad MARINA ALMA

ALMA, MARINA employees kay Marcos
MARINA CHIEF EMPEDRAD PANATILIHIN 

NANAWAGAN ang mga kawani ng Maritime Industry Authority (MARINA) kay President-elect Ferdinand Marcos, Jr., na huwag palitan si ret. Vice Admiral Robert Empedrad bilang pinuno ng kanilang ahensiya para maipagpatuloy ang mga naumpisahang reporma sa maritime industry.

Sinabi ni Capt. Jeffrey Solon, Deputy Executive Director sa Standards of Training, Certification, and Watchkeeping (STCW) Office ng MARINA, aprub din sa mga empleyado ng ahensiya ang petisyon ng Association of Licensed Manning Agencies (ALMA)  kay Marcos Jr., na i-retain si Empedrad bilang hepe ng MARINA.

“Actually, sa totoo lang, pati ang mga empleyado ng MARINA ay naghahangad na mai-retain si Admin Empedrad,” ayon kay Solon sa Laging Handa public briefing kamakalawa.

“Hindi lang po sa ALMA, sa ibang sektor din ng ating industriya ay nanawagan na mai-retain ang kasalukuyang namumuno ng MARINA,” dagdag niya.

Mahalaga aniyang maipagpatuloy ang mga isinulong na program, ani Empedrad, gaya ng paglutas ng problema sa loob ng tatlong buwan sa European Community hinggil sa EMSA (European Maritime Safety Agency) na nagsimula noong 2006.

Paliwanag ni Solon, sa ilalim ng administrasyon ng Empedrad sa MARINA ay naibalangkas ang voyage plan at MIDP o Maritime Industry Development Plan na kapag napirmahan ng Presidente ay magiging blueprint na kailangang sundin ng ahensiya.

Tiwala si Solon, kahit hindi sila mapalitan sa MARINA ay may kakayahan ang mga permanenting kawani na ipatupad ito at nakahanda sila ni Empedrad na tumulong.

“He (Empedrad) re-organized the Marina and implemented measures to ensure that the highly technical and demanding mandate of the office can be effectively discharged by competent human resources,” sabi sa petisyon kay Marcos Jr., na nilagdaan ng ALMA, grupo ng manning agencies na nag-deploy ng may 174,000 seafarers sa buong mundo.

“Most importantly, Administrator Empedrad has shown his sincerity and commitment to addressing the lingering issues relating to the European Maritime Safety Agency (EMSA) audit, a concern that has regrettably been insufficiently attended to for decades and has thus stand to delist all Filipino seafarer officers from being employed on board European ships,” ayon sa ALMA.

Kasama rin sa petisyon ng ALMA na gawing Deputy Administrator ng MARINA si Solon bunsod ng matagumpay na pagsusulong ng vaccination drive para sa Filipino seafarers at pagtulong kay Empedrad na ihanda ang detalyadong pagtugon sa EMSA audit.

“The retention of Administrator Empedrad and Captain Solon will indeed be viewed by the European shipping community as a manifestation of the Philippines’ sincerity in sustaining the initiated reforms in shipping standards,” sabi ng ALMA. (ROSE NOVENARIO)

About Rose Novenario

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …