HATAW! D'yaryo ng Bayan hatawtabloid.com
I-FLEX
ni Jun Nardo
HANDANG-HANDANG mang-akit, magpakita ng bukol at i-flex ang mga katawan nina Kelvin Miranda, Abdul Rahman, at baguhang si Shaun Salvador kapag umere na ang bagong sitcom sa GMA News TV na Tols.
Lalabas na triplets sina Kelvin, Abdul, at Shaun mula sa collaboration ng Team ni Tyrone Escalante, Merlion Events Production, Inc, at GMA Network.
Naalala ng press na dumalo sa mediacon ng Tols ang sumikat na sitcom na Palibhasa Lalake nina Richard Gomez at Joey Marquez. Nanunukso, nangingiliti, at may pakili-kili sa manonood.
Sa tatlo, aminado si Kelvin na nanibago sa bagong project.
“Pero ready naman akong mangiliti sa mga tao. Eh lalabas ang kalokokhan namin sa show!” sey ni Kelvin na ayon kina Abdul at Shaun, eh mas loko at pilyo sa kanila.
Lalabas na mother nila si Rufa Mae Quinto sa pagbabalik niya sa GMA. Mapapanood ito simula sa June 25, sa GMA News TV.!Mula ito sa direksiyon ni Monti Parungao.
