Wednesday , July 6 2022
Serye ng buy bust operation ikinasa ng Laguna PNP 5 drug suspects nalambat

Serye ng buy bust operation ikinasa ng Laguna PNP 5 drug suspects nalambat

LIMANG hinihinalang tulak ng ilegal na droga ang nadakip sa serye ng buy bust operations na ikinasa ng mga awtoridad sa lalawigan ng Laguna hanggang nitong Huwebes, 9 Hunyo.

Iniulat ni Laguna PPO Acting Provincial Director, P/Col. Cecilio Ison, Jr., kay CALABARZON PNP Regional Director, P/BGen. Antonio Yarra, ang pagkakaaresto sa limang drug suspects sa bayan ng Sta. Cruz at lungsod ng Calamba.

Nadakip ng mga tauhan ng Sta. Cruz MPS sa ilalim ng direktang pangangasiwa ni P/Lt. Col. Paterno Domondon, Jr., ang suspek na kinilalang si Jonnoel Guevarra, 24 anyos, walang trabaho, at residente sa Brgy. Santisima Cruz, sa nabanggit na bayan, dakong 3:50 pm nitong Miyerkoles, 8 Hunyo dahil sa pagbebenta ng ilegal na droga, sa pulis na nagsilbing poseur buyer.

Nakompiska mula kay Guevarra ang apat plastic sachet ng hinihinalang shabu na tinatayang may timbang na 1.75 gramo at nagkakahalaga ng P11,900; coin purse, P500 buy bust money.

Nasukol ng Sta. Cruz MPS ang suspek na kinilalang si Roy Arellano, 52 anyos, welder, at residente sa Brgy. San Pablo Norte dakong 8:15 pm nitong Miyerkoles, 8 Hunyo.

Nasamsam kay Arellano ang tatlong plastic sachet ng hinihinalang shabu na tinatayang may timbang na 1.21 gramo at nagkakahalaga ng P8,200, coin purse, P500 buy bust money.

Sunod na nadakip ng mga tauhan ng Sta. Cruz MPS ang suspek na kinilalang si Joel Perdiguerra, 44 anyos, walang trabaho, residente sa Brgy. Calios, nitong Huwebes ng 12:15 am.

Nakompiska kay Perdiguerra ang pitong plastic sachet ng hinihinalang shabu na tinatayang may timbang na 1.25 gramo at nagkakahalaga ng P8,500; isang coin purse; at P500 buy bust money.

Inaresto ng mga tauhan ng Calamba CPS sa ilalim ng direktang pangangasiwa ni P/Lt. Col. Arnel Pagulayan, ang suspek na kinilalang si Adrian Alejandro, 39 anyos, driver, at residente sa Brgy. 3, Calamba dakong 7:07 pm nitong Miyerkoles, 8 Hunyo.

Nakompiska kay Alejandro ang plastic sachet ng hinihinalang shabu na tinatayang may timbang na 1.1 gramo at nagkakahalaga ng P7,480; coin purse na may P200, hinihinalang drug money; at P500 buy bust money.

Huli rin ng Calamba CPS ang suspek na si Razul Criligo, 34 anyos, pool agent, at residente sa Brgy. Pansol, Calamba dakong 9:27 pm nitong Miyerkoles, 8 Hunyo.

Nakompiska kay Criligo ang limang plastic sachet ng hinihinalang shabu na tinatayang may timbang na 1.2 gramo at nagkakahalaga ng P8,160; P300 hinihinalang drug money; at P500 buy bust money.

Nasa kustodiya na ng kani-kanilang operating unit ang mga naarestong suspek at sasampahan ng kasong paglabag sa RA 9165 o Comprehensive Dangerous Drug Act of 2002, isusumiteng ebidensiya sa Crime Laboratory Office para sa forensic examination.

Pahayag ni P/BGen. Antonio Yarra, “Patuloy ang aming mga operasyon laban sa ilegal na droga at hinihimok namin ang mga kababayan na ipaalam sa pulisya ang ilegal na gawain na kanilang nasasaksihan sa kanilang barangay.” (BOY PALATINO)

About Boy Palatino

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …