HATAW! D'yaryo ng Bayan hatawtabloid.com
OPISYAL nang nanumpa si Arjo Atayde bilang Congressman-elect ng Quezon City District 1 (QCD1) sa ginanap na oathtaking ceremony sa Grotto ng Barangay PhilAm Homes sa pasilitasyon ni Barangay Captain Simplicio EJ Hermogenes. Dinaluhan ito ng pamilya, tagasuporta, at mga kaibigan ni Atayde at ng 19 kapitan ng barangay ng QCD1 na nagbigay ng suporta kay Atayde dala ang platapormang nakasentro sa LGBTQI+ and Women’s Rights; employment; education; senior citizens; disaster response; at healthcare. Binisita rin ni Atayde ang Kongreso upang tanggapin ang kanyang Congressional Pin mula kay Secretary General Mark Llandro Mendoza. Si Atayde ay pormal nang uupo sa Kongreso sa Hulyo 2022 kung saan magiging abala siya sa unang limang panukalang batas na kanyang iaakda. (ALMAR DANGUILAN)
