Thursday , July 7 2022
Anji Salvacion

Anji Salvacion big winner sa PBB Kumunity Season 10  

ANG tinaguriang Singing Sweetheart ng Siargao na si Anji Salvacion ang itanghal na Big Winner ng Pinoy Big Brother (PBB) Kumunity Season 10 ng ABS-CBN sa ginanap na Big Night noong Mayo 29 sa PBB house.

Si Anji ang ibinoto ng taumbayan matapos malagpasan ang iba’t ibang hamon at pagsubok. Nakakuha si Anji ng 40.42 percent ng combined save and evict votes, ang pinakamalaki sa lahat ng Big 5, para manalo at makuha ang P2-M premyo.

Kaya naman lubos ang pasasalamat ni Anji sa kanyang mga taga-suporta na nagdala sa kanya para magwagi.

“First of all, I want to really say thank you to God for giving me this opportunity and for giving me this biggest blessing in life. It’s not the title but it is how people trusted me. That’s my biggest, biggest blessing. How people look up to me…Tagumpay ang plano,” ‘ika niya.

Salamat sa sumusuporta sa anak ko. Thank you for believing in her,” sambit naman ng kanyang inang si Melisa Gorbulev.

Sinundan si Anji ni Isabel Laohoo ng Adult Kumunity na may 18.20 percent na tumanggap ng P500,000 at ni Samantha Bernardo ng Celebrity Kumunity (16.28 percent), na nag-uwi naman ng P300,000.

Si Rob Blackburn naman ng Teen Kumunity (4.01 percent) ang 4th Big Placer na may premyong P200,000, habang si Brenda Mage ng Celebrity Kumunity (1.19 percent) ang 5th Big Placer na panalo naman ng P100,000.

Hindi naging madali ang pag-abot ni Anji sa pangarap na maging Big Winner matapos maging nominado para sa eviction ng ilang beses noong Celebrity Edition, na siyang nagbukas ng season na ito noong Oktubre 16, 2021. Dagdag pa riyan ang pagtama ng Super Typhoon Odette na apektado ang pamilya niya sa Siargao.

Gayunman, nanatiling matatag si Anji na patuloy na ginamit ang galing sa pag-awit at paggawa ng musika at kagustuhang makatulong at manalo sa bawat task at hamon ni Kuya na siyang nagpamahal sa kanya sa mga manonood at naging daan upang siya ay maging Celebrity Kumunity Top 2 kasama si Alyssa Valdez.

Sa kanyang pagbabalik sa bahay nitong nakaraang araw, ipinakita muli ni Anji ang puso at husay kung kaya’t sila nina Samantha, na pumalit kay Alyssa, at ang comeback housemate na si Brenda, ang unang nakapasok sa Big 5.

Kabilang sa mga sumalubong sa Big 5 sa labas ng Bahay ni Kuya ang hosts na sina Bianca Gonzalez, Robi Domingo, Enchong Dee, Melai Cantiveros-Francisco, MayMay Entrata, Sky Quizon, Richard Juan, at Kim Chiu, kasama ang iba pang dating PBB Kumunity housemates at ex-housemates ng iconic Kapamilya reality show, na napanood ngayong season sa Kapamilya Channel, A2Z, Kapamilya Online Live, TFC, iWantTFC, at Kumu. Nakasama rin sa The Big Night sina Bamboo, KZ Tandingan, Ez Mil, Jeremy Glinoga, Sab, Nene Tamayo, BINI, BGYO, at ang loveteam at Kobie Brown.   

Ito na ang ikalawang season ng PBB kasama ang Kumu, ang pinakamalaking social entertainment app sa bansa, na tumulong sa paghahatid ng saya at inspirasyon sa mga Filipino at panibagong viewing experience sa manonood ngayong pandemya.

About hataw tabloid

Check Also

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Euriz Sagum John Rey Malto

Euriz Sagum, handa na sa mundo ng showbiz

ALAM MO NA!ni Nonie Nicasio SI Euriz Sagum ay 18 taong gulang at kasalukuyang gumagawa …

Rob Guinto Brillante Mendoza

Rob Guinto, bilib sa husay ni Direk Brillante Mendoza

ALAM MO NA!ni Nonie Nicasio IPINAHAYAG ng Vivamax sexy actress na si Rob Guinto na …

Harlene Budol Hipon Girl

Nicole Budol ginawang inspirasyon mga natatanggap na panglalait

MA at PAni Rommel Placente ISA si Nicole Budol, na mas kilala bilang si Hipon, na isang …