Jomari at Abby sinusubukang magka-anak

SHOWBIZ KONEK
ni Maricris Valdez Nicasio

NAKALULULA kung paano ginawa ni Ayen Castillo, CEO at presidente ng Aspire Magazine Philippines & Global ang napakaganda at napakalaking paglulunsad ng kanilang magasin na ginawa sa Matrix Event Centre, Quezon City.

Naka-gown ang lahat nang nai-feature nila sa magasin at rumampa isa-isa na pinangunahan nina Klinton Start,cover ng Aspire Magazine Philippines at Marianne Besmundo, cover naman ng Aspire Magazine Global.

Kasabay ng launching ang pagbibigay ng award sa mga inspiring personalities mula sa iba’t ibang sektor ng lipunan. Pinangunahan ito nina Jomari Yllana at Abby Viduya gayundin ang isa sa ating kolumnista na si John Fontanilla. Kinoronahan din nila ang ilang sa mga 2022 Aspire Royalties.

Sa kabilang banda, nakahuntahan namin dito sina Jomari at Abby na masayang-masaya dahil kapapanalo pa lang ng aktor bilang konsehal sa 1st district ng Paranaque. Ito bale ang ika-tatlong termino ng aktor.

Sa aming pakikipagkuwentuhan sa mag-partner, nabanggit nila na pinaplano na nila ang pagpapakasal. Hindi pa lamang sila makapagbigay ng eksaktong date kung kailan gagawin. Pero definitely, hindi nila itatago.

Sumusubok na rin silang gumawa ng baby dahil gusto rin nilang magkaroon ng anak.

“Yes, we’re planning,” sambit ni Abby.

“Sa amin kung ibibigay oo naman kasi malapit na kaming mag-expire,” natatawang sabi naman ni Jomari. 

“Yes, we are both 45 years old,” susog pa ni Abby. “Gabi-gabi na nga naming tina-try ha ha ha,” natatawang dagdag pa ng aktres na napapanood sa Lolong ng GMA 7.

“We are trying talaga,” giit pa ni Abby.