Saturday , January 28 2023
Shanti Dope Flow G

Shanti Dope at Flow G’s Kamusta MV 1M views agad  (Sa loob lamang ng 24 oras)

SHOWBIZ KONEK
ni Maricris Valdez Nicasio

GUSTONG ulit-ulitin nina Shanti Dope at Flow G ang panonood ng kanilang Kamusta music video noong magkaroon ito ng red carpet premiere na ginawa sa SM Megamall Cinema 2 kamakailan. Sobra kasing saya ang naramdaman nila na napakaganda nang kilabasan ng music video.

Ang kantang Kamusta ay unang collaboration nina Shanti at Flow na ang concept ng music video ay isang  eye opening na tumatalakay sa depression.

Ang Kamusta music video ay ukol sa pag-take-advantage ng lalaki sa karelasyong babae na ipinakalat ang kanilang pagse-sex. Hindi iyon nakayanan ng babae kaya naman nagpakatiwakal ito.

Ang music video ay idinirehe ni Jeremy Lin ng Blck Mrkt, at ang story at concept ay mula kay Klum Cee. Kinunan ito sa isang roop top na kumakanta sila habang umuulan at parehong naka-white. 

“Sobrang solid nang kinalabasan (music video) kasi naging short film na nasa music video. Kumbaga mas nagkaroon ng buhay ang kanta nang magkaroon ng visuals. Kasi nakita mo iyong ipinararating niyong mensahe ng kanta,” esplika ni Shanti ukol sa kanta sa isinagawang media conference. 

Sinabi pa ni Shanti na bago nila ginawa ang MV ay pinagmimitingan muna nila. “Ginawa ang ganoong concept para mai-present, mas relatable at para mas maintindihan ng mga nakararanas nang ganoon (depression),” wika pa ni Shanti na noon din lamang napanood ang MV kaya naman nasabi ring gusto pang ulit-uliting mapanood dahil gandang-ganda siya. 

“Na feel ko lang, mas naramdaman ko na sulit ‘yung paggawa namin ng music video kasi tiniis namin ang ulan para magawa na siya. Mas naramdam ko siya na walang nasayang na oras doon kasi sobrang meaningful pala ng ginawa namin lalo na noong na play na ngayon kaya gusto naming mapanood uli,” sambit naman ni Flow G.

Nakabibilib na ang akala natin na easy-easy lang o hindi seryosong tulad nina Shanti at Flow G ay makagagawa ng isang meaningful o magiging inspirasyong awitin. Kaya isa lang ang patunay nito na sila bilang hip-hop artists ay hindi lamang kumakanta ng walang kabagay-bagay kundi  sila ay well-rounded individuals na hindi lamang echo for grunt and angst. At sa kanilang  lyrics, natalakay din nila ang isang importanteng bagay na marami ang naapektuhan lalo na nitong pandemic, ang mental wellness at iyong kung paano makatutulong sa mga taong may depression.

Kaya nga napaka-importante ang salitang kamusta sa bawat indibidwal dahil malaki ang maitutulong nito sa ating kapwa. Tulad nga ng sabi sa kantang Kamusta “Meron bang nakakubli sa likod ng ‘yong ngiti at kutitap ng iyong mga mata? Mabigat ba sa dibdib ‘pag laging pinipigilang sabihin ang iyong nadarama? Di mo gustong malaman ng mundo ang kahinaan mo Kung wala kang malapitan, Pwede mo akong sabihan.”

Samantala, agad namang naka-1M views ang Kamusta MVin less than 48 hours at kaagad ding nag-trending at number 2 for music sa Youtube. Ang bongga talaga nina Shanti Dope at Flow G. 

Ang Kamusta ay released globally ng Universal Records Philippines.

About Maricris Valdez Nicasio

Check Also

Richard Yap Jodi Sta Maria Gabbi Garcia Joshua Garcia

Netizens wagi sa ABS-CBN, GMA, VIU collab

RATED Rni Rommel Gonzales PAYANIG ngayong 2023 ang groundbreaking series na Unbreak My Heart dahil nagsanib-puwersa ang GMA, ABS-CBN, …

Marian Rivera Boy Abunda

Marian pasabog ang mga sagot kay Kuya Boy; feeling sexy ‘pag hinahalikan ni Dong sa paa

RATED Rni Rommel Gonzales NAKAAALIW at pasabog ang mga sagot ni Marian Rivera kay Boy Abunda sa first episode …

Alden Richards Boy Abunda Julie Anne San Jose Julie Anne San Jose

Alden inamin kay Kuya Boy, Winwyn at Julie Anne niligawan

I-FLEXni Jun Nardo NAPIGA ni Boy Abunda si Alden Richards para magsalita tungkol sa artistang pinormahan nang mag-guest siya …

Ara Mina

Sa sunod-sunod na trabaho
ARA MINA AYAW MUNA MAGBUNTIS

I-FLEXni Jun Nardo TIME out muna si Ara Mina sa pagbubuntis this year. Eh nagdatingan kay Ara …

Spa Massage

Spa ginagamit para ibugaw mga starlet at indie stars

ni Ed de Leon AKTIBO na naman umano ang mga showbiz pimps. May isang showbiz pimp na …