Monday , July 4 2022

STL sa QC kuwestiyonable

053022 Hataw Frontpage

KINUKUWESTIYON ng Quezon City Advocates for Responsible Entertainment, Sports, Gaming & Wellness (QCARES) at Globaltech Mobile Online Corporation ang legalidad ng kasalukuyang operasyon ng STL sa lungsod ng Quezon.

Ayon sa mapagkakatiwalaang impormasyon, ang STL operator ng lungsod ay dummy lamang.

Anila, ang operator nito ay lumagda ng kasunduan sa isang personalidad na siyang totoong nag-o-operate nito kapalit ang umano’y halaga para sa paggamit ng lisensiya na iginawad ng Philippine Charity Sweepstakes Office (PCSO).

Binigyang diin ng QCARES, batay sa umiiral na Revised Implementing Rules and Regulations (RIRR) ng PCSO, ipinagbabawal sa mga license holder ang subcontracting, maging sa winning bidder.

Ang paglabag ay pangunahing dahilan upang mapawalang bisa ang lisensiya ng isang operator.

Nagpahayag ng pagkabahala ang Globaltech matapos sumingaw na fixed bidding umano ang posibleng naganap sa proseso ng pagkakaloob ng pribilehiyo para sa operasyon ng STL.

Bukod dito, tinukoy rin ng magkabilang kampo na lumutang ang impormasyon kamakailan na umano’y ilang buwan nang hindi nakababayad nang buo sa kanilang obligasyon sa PCSO ang operator ng STL sa kabila ng patuloy na operasyon nito sa Quezon City.

“Nagtataka kami kung bakit hindi pa ipinapahinto ng PCSO ang operasyon ng STL sa aming lugar kung totoo ngang hindi sila tumalima sa kanilang obligasyon sa pamahalaan,” pahayag ng isang barangay chairman mula sa ikalawang distrito na nakiusap ‘wag pangalanan.

Palaisipan umano sa kanila ang impormasyon na kamag-anak ni PCSO General Manager Royina Garma ang STL operator kaya ganoon kalakas, bagay na mariing ipinagbabawal ng batas.

Samantala, nanawagan din ang mga barangay chairman sa lungsod na tutukan at aksiyonan ng mga kinauukulan ang ilegal na sugal.

Matatandaan, kamakailan ay pumutok ang impormasyon na paggamit umano na front ng mga illegal gambling operators at ng kanilang mga kobrador na umiikot at nagpapataya sa bawat barangay ng inisyung ID sa kanila para sa operasyon ng STL sa lungsod.

Dahil dito, hindi makakakilos ang mga operatiba ng PNP Anti-Illegal Gambling Task Force sapagkat bukod sa ID, may pauniporme rin ang mga nangangasiwa ng ilegal na sugal na nagtatago sa STL.

Nagpapatuloy umano ang malawakang operasyon ng ilegal na sugal sa lungsod sa kabila ng mahigpit na kampanya na isinasagawa ng Quezon City Police District (QCPD), batay sa kautusan ni QCPD District Director Remus B. Medina.

“Hindi talaga masusugpo ang ilegal na sugal, kasi kahit anong gawing ikot ng mga pulis dito sa barangay namin, wala silang mahuhuli kasi iisipin nilang legal ang galawan ng mga nagpapataya dito,” dagdag ng isa sa mga residente sa ikalawang distrito kung saan nagaganap ang ilegal na sugal. (HNT)

About hataw tabloid

Check Also

Alfred Vargas Family

Rep Alfred Vargas sulit ang pag-iwan sa showbiz

SHOWBIZ KONEKni Maricris Valdez Nicasio EMOSYONAL ang pagbibigay-pugay ni Quezon City Rep Alfred Vargas sa kanyang mga …

Bulacan Airport Special Economic Zone

Bulacan Airport Special Economic Zone ibinasura ni Marcos, Jr.

IPINAWALANG BISA ni Pangulong Ferdinand Marcos, Jr., ang House Bill No. 7575 na naglalayong gawing …

Malacañan

Palasyo dumistanya
Bonggang birthday party ni Imelda Marcos, binatikos ng netizens

DUMISTANSIYA ang Office of the Press Secretary sa napaulat na bonggang birthday party ni dating …

Nasamsam ng PDEA P1.7-B  SHABU HULI SA 2 CHINESE NAT’L

Nasamsam ng PDEA
P1.7-B  SHABU HULI SA 2 CHINESE NAT’L 

UMAABOT sa 260 kilo ng hinihinalang shabu, nakasilid sa tea packs at nagkakahalaga ng kabuuang …

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City Special Economic Zone and Freeport at ang kanyang desisyon na i-veto ang House Bill 7575 ay may layuning ayusin ang mga depekto ng panukalang batas. “Presidential Veto is fastest way to cure the defects of HB 7575 especially the provision which exempts the Commission on Audit to look into the financial transactions on the special economic zone and freeport,” sabi ni Press Secretary Trixie Cruz- Angeles. “Had the President not vetoed the HB 7575, it would have lapsed into law on July 4 or 30 days after the bill was sent by the legislature to Malacañang,” dagdag niya. Giit ng kalihim, kapos ang panukalang batas ng mga sangkap upang iugnay sa ibang batas, patakaran at regulasyon dahil hindi nakasaad dito na sakop ito ng audit provisions ng Commission on Audit (COA), “procedures for the expropriation of lands awarded to agrarian reform beneficiaries and a master plan for the specific metes and bounds of the economic zone.” Binigyan diin ni Angeles, lahat ng transaksiyon sa pananalapi ng gobyerno ay isinasailalim sa audit procedures ng COA at hindi dapat absuwelto sa naturang proseso ang Bulacan Airport City Special Economic Zone and Freeport. “Without those necessary amendments indicated in the veto explanation, the law may be vulnerable to constitutional challenge. The delegation of rule-making power on environmental laws which is unique to the special economic zone is of particular concern,” ani Angeles. Inilinaw ni Angeles, tuloy ang konstruksiyon ng P740-billion international airport sa Bulacan dahil ang “San Miguel franchise to operate the airport” ay aprobado ng Senado at Kamara noong 11 Oktubre 2020. “The construction of the Bulacan international airport and aero city is not affected by the veto. The presidential veto was meant to include the necessary corrections and include the missing processes that might render HB 7575 entirely unconstitutional,” paliwanag niya.

Sa Bulacan Airport City Special Economic Zone and Freeport
‘DEPEKTO’ NG HB 7575 AAYUSIN NG VETO 

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City …