Friday , March 29 2024
Babaeng holdaper tiklo sa Laguna, kasabwat nakatakas

Babaeng holdaper tiklo sa Laguna, kasabwat nakatakas

NASABAT ang isang babaeng hinihinalang tumangay ng pera sa isang convenience store sa lungsod ng Biñan, lalawigan ng Laguna, habang nakatakas ang kanyang lalaking kasabwat nitong Sabado, 28 Mayo.

Kinilala ni Laguna PPO provincial director P/Col. Cecilio Ison, Jr., ang suspek na si Celeste Mercado, 44 anyos, residente sa Burgos St., Brgy. Isip Norte, San Manuel, Pangasinan.

Sa imbestigasyon ng Biñan CPS, dakong 8:02 pm kamakalawa nang magdeklara ng holdap ang dalawang suspek sa Alfamart convenience store na matatagpuan sa University Centra, Brgy. San Antonio, sa naturang lungsod.

Sa salaysay ng store crew na si Ronald Rey Espinosa, sinabi niyang armado ang mga suspek ng baril nang pumasok sa kanilang tindahan nagpaputok ng dalawang beses saka nagdeklara ng holdap.

Tinangay ng mga akusado ang lahat ng laman ng cash register na nagkakahalaga ng P12,510.

Nang mapansin ng mga residente ang tumatakas na mga suspek, hinabol nila ang dalawa at nakorner si Mercado habang nakatakas ang kaniyang kasabwat na lalaki.

Agad nakapagresponde ang mga pulis na nagpapatrolya sa bisinidad ng tindahan nang matanggap ang alerto at nadakip si Mercado.

Nakompiska mula kay Mercado ang isang kalibre .38 revolver, kargado ng dalawang bala, habang nakuha sa lugar ang isang depormadong bala at dalawang basyo pa.

Kasalukuyang nasa kustodiya ng Biñan CPS si Mercado habang kasalukuyang isinasagawa ang hot pursuit operation sa posibleng pagkaaresto ng isa pang suspek na tumakas tangay ang perang kanilang ninakaw.

Pahayag ni P/Col. Ison Jr., “Kapuri-puri ang Biñan CPS sa pagkakaaresto sa suspek. Gayondin, nagpapasalamat kami sa concerned citizens na tumulong upang makorner ang suspek. Bagamat nakatakas ang isa pang suspek ay tiwala ang pulisya na mapapasakamay din siya ng batas.”

Ani P/BGen. Antonio Yarra, CALABARZON PNP Regional Director, “Iimbestigahan din natin ang grupo ni Mercado kung involved sa mga series ng pangho-hold-up sa mga Alfamart at iba pang retailer stores sa Laguna at sa mga karatig Probinsiya.

“Kapag lumabas sa imbestigasyon na may grupo nga ito ay hindi namin titigilan hanggang hindi sila nauubos.” (BOY PALATINO)

About Boy Palatino

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …