Wednesday , July 6 2022
Elijah Canlas Kokoy de Santos gameboy2

Elijah gustong ‘magka-anak’ sila ni Kokoy

SHOWBIZ KONEK
ni Maricris Valdez Nicasio

SOBRANG na-enjoy ng fans gayundin ng entertainment press at nina Elijah Canlas at Kokoy de Santos ang isinagawang livestream sa Facebook page at Youtube channel ng The IdeaFirst Company para sa kanilangGameboys Season 2.

Panay kasi ang biruan nina Elijah at Kokoy at marami rin ang nagsasabing sweet ang mga ito.

At dahil nasa season 2 na ang Gameboys may nagtanong sa kanila kung ano pa ang gusto nilang i-explore in terms of story line and characterization kapag nabigyang pagkakataong magkaroon ng Gameboys 3

Ani Elijah, “I-manifest na natin, na magkakaroon ng season 3. Sana siguro next level na ng relationship. Na-try na natin sa video call, long distance. Na-try na rin natin ‘yung in the flesh na magkasama sila sa bahay with the rest of the Gameboys gang. 

“Maganda na may anak na tayo. Lima. Lima ha ha ha,” biro ni Elijah kay Kokoy at saka parang nagharutan

“Ako sa akin lamang naman baka pwedeng matuloy sa ibang lugar, masarap ‘yun,” susog naman ni Kokoy.

“Saan kaya, sa Japan? tanong ni Elijah.

“Sa Baguio? pero hindi seryoso nga, sa Japan, New York,” paglilinaw ni Kokoy

“Kahit saan basta kasama,” giit ni Elijah na ikinakilig ng mga manonood gayundin ng nagsilbing host na si Adrianna So.

Isinunod namang itinanong sa dalawa kung ano ang favorite part ng kanilang acting sa naunang Gameboys.

“Wow! Magiging acting critic na tayo ngayon,” natatawang komento ng dalawa. 

“Acting style, ako I really…sobrang bilib ako kay Kokoy,” ani Elijah. “I mean, una pa lang, Gameboys Season 1 pa lang parang I know I had to step up in game kasi si Kokoy napaka-natural na aktor at nakikinig talaga siya. Ramdam ko na nakikinig talaga siya kasi ang dami niyang adlib. 

“You have to be in your toes all the time with Kokoy kasi ang dami niyang ibang adlib. So, kailangan sasagutin mo rin ang adlib niya. Tapos ang saya-saya kaeksena,” sambit pa ni Elijah.

Okey ka na?” balik na tanong naman ni Kokoy kay Elijah. “Hiyang-hiya naman ako sa Gawad Urian ha haha.(Ang tinutukoy ni Kokoy ay ang pagwawagi bilang Best Actor ni Elijah sa Gawad Urian noong 2020 para sa pelikulang Kalel, 15). 

“Wala, wala akong masabi kay Elijah,” sabi pa ni Kokoy sabay hila kay Elijah at sinabing, “Idol pa kiss naman, pa kiss naman.”

Sa kabilang banda mas maraming sorpresang mapapanood ang mga tao sa Gameboys 2 na hindi pa nila napanood sa season one gayundin sa Gameboys The Movie.

Mas matured na Cairo at Gavreel, karakter nina Elijah at Kokoy ang mapapanood sa Gameboys.

Bukod sa Gameboys 2, may dagdag sorpresa rin sa fans sina Elijah at Kokoy sa paglabas ng Gameboys Gameboxna mabibili online sa theideafirststore.com. Naglalaman ito ng season pass sa KTX.ph para sa buong season ng Gameboys 2, special blueray copy ng Gameboys 1 na inorder pa sa Japan, plus surprise Gameboys items at collectibles.

Ang Gameboys 2 ay idinirehe ni Ivan Andrew Payawal at mapapanood via KTX at Vivamax Plus. Every week dalawang episodes ang handog ng The IdeaFirst Company. 

About Maricris Valdez Nicasio

Check Also

Harlene Budol Hipon Girl

Nicole Budol ginawang inspirasyon mga natatanggap na panglalait

MA at PAni Rommel Placente ISA si Nicole Budol, na mas kilala bilang si Hipon, na isang …

Arjo Atayde Sylvia Sanchez

Sylvia kay Arjo — Iba ka manindigan

PUNUMPUNO ng emosyon at pagmamahal ang post sa kanyang Facebook ang super proud mom na si Sylvia Sanchez sa …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …