Saturday , June 25 2022

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong halaga ng shabu makaraang masakote sa isinagawang buy bust operation sa Caloocan City, nitong Lunes ng madaling araw.

Kinilala ni Caloocan City police chief Col. Samuel Mina, Jr., ang naarestong suspek na si Tantawi Salic, alyas Tangie, 35 anyos, residente sa Phase 12, Riverside Brgy. 188 ng lungsod.

Batay sa ulat ni Col. Mina kay Northern Police District (NPD) Director P/BGen. Ulysses Cruz, dakong 3:50 am nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Gilmer Marinas, kasama ang 6th MFC RMFB-NCRPO ng buy bust operation sa Riverside Phase 12, Brgy. 188, Tala.

Kaagad inaresto ng mga operatiba ang suspek matapos bentahan ng P70,000 halaga ng shabu ang isang pulis na umakto bilang poseur buyer.

Nakompiska sa suspek ang halos 8,100 gramo ng hinihinalang shabu na nagkakahalaga ng P55,080,000, ayon sa Dangerous Drug Board (DDB), pitong foil wrapper bag, isang travel backpack na kulay asul, isang digital weighing scale na kulay itim, dalawang tunay na P1,000 bills at 68 pirasong P1,000 boodle money na ginamit bilang buy bust money.

Kaugnay nito, binigyang pagkilala at pagpupugay ni P/BGen. Cruz ang Caloocan police sa pamumuno ni Col. Mina.  

Nahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (ROMMEL SALES)

About Rommel Sales

Check Also

062322 Hataw Frontpage

Dismissal binaliktad ng korte
ARESTO VS DOC NATY MULING INIUTOS 

IPINAG-UTOS ng Regional Trial Court ng Bayugan, Agusan del Sur Regional Trial Court ang pagdakip …

SM Southmall Southtopia UFC

UFC GYM NASA SM SOUTHMALL NA
Plus, take a trip down good ol’ days of fun games and retro activities at #Southtopia post workout

SA PANAHON ngayon, mahalagang magkaroon ng mas aktibong lifestyle upang mapataas ang immunity ng isang …

gun shot

Sa Jaen, Nueva Ecija
BRGY. KAGAWAD LIGTAS SA AMBUSH

NAKALIGTAS ang isang kagawad ng barangay matapos tambangan sa Brgy. Malabon Kaingin, sa bayan ng …

Rizal Police PNP

Sa 7-araw SACLEO sa Rizal
P2.4-M DROGA KOMPISKADO, 180 KATAO TIMBOG

NASAMSAM ang P24-milyong halaga ng ilegal na droga habang arestado ang 180 katao sa ikinasang …

Car Wash

Silid sinalakay ng kaalitang katrabaho
CARWASH BOY PATAY, KASAMA SUGATAN

HINDI nakaligtas ang isang trabahador sa isang carwash shop habang sugatan ang isa pa nang …