Saturday , June 25 2022

Mainstream media binanatan
REMULLA, JUSTICE SECRETARY  NI MARCOS, JR.

052422 Hataw Frontpage

ni ROSE NOVENARIO

TINANGGAP ni Cavite 2nd District Rep. Boying Remulla ang alok ni presumptive president Ferdinand Marcos, Jr., na maging secretary ng Department of Justice (DOJ) ng kanyang administrasyon.

Hindi pa man pormal na nakaupo bilang justice secretary, binatikos agad ni Remulla ang media na aniya’y kontrolado ng malalaking korporasyon at may bisyong banatan ang ‘nation states.’

Sa pananaw ni Remulla, gusto ng media na kasangga ng malalaking kompanya na mawala ang tiwala ng tao sa mga bansa at sa kanilang leader.

Giit niya, ‘fake news’ ang ibinabalita ng media dahil pumasok ang public relations kaya’t may pinapaboran ang istorya.

“Ang ayaw natin kasi, ‘fake news’ ang nangyayari d’yan, parang meron na agad pinapaboran ang istorya hindi inaayos talaga. Meron ng lobby na pumapasok. Alam naman natin, PR is the biggest job in media, d’yan ang pera sa media ‘di ba sa PR?” aniya sa programang Sa Totoo Lang sa One Ph kagabi.

Ipinagtanggol ni Remulla ang social media bilang equalizer umano ng ibinabalita ng mainstream media na kontrolado ng big corporations.

“Ang maganda na lang meron tayong social media which equalizes everything kung hindi talaga namang controlled na ng big big corporations, coupled with business ang lahat,” sabi niya.

Taliwas sa pahayag ni Remulla, mas maraming inilalabas na fake news sa social media lalo na noong 2022 election campaign, batay sa ilang pag-aaral.

Noong Marso 2022 ay tinawag na iresponsable at insulto sa mga Caviteño ang bintang ni Remulla na hinakot at binayaran ang may 47,000 supporters na dumalo sa grand rally ni Vice President at presidential bet Leni Robredo sa Gen. Trias, Cavite.

Inakusahan din ni Remulla ang mga nagpunta sa grand rally ni Robredo ay mga bayaran at ang iba’y mga aktibistang sinanay ng National Democratic Front (NDF) na mariing itinanggi ng kampo ng bise-presidente at inalmahan ng mga organizer ng pagtitipon maging ng mga makakaliwang grupo.

Kaugnay nito, bukod kay Remulla, tinanggap rin ni Arsenio Balisacan ang alok ni Marcos, Jr., na pamunuan niyang muli ang National Economic Development Authority (NEDA), si Bienvenido Laguesma ay bilang kalihim ng Department of Labor and Employment (DOLE) at Susan Ople bilang Department of Migrant Workers secretary.

About Rose Novenario

Check Also

062322 Hataw Frontpage

Dismissal binaliktad ng korte
ARESTO VS DOC NATY MULING INIUTOS 

IPINAG-UTOS ng Regional Trial Court ng Bayugan, Agusan del Sur Regional Trial Court ang pagdakip …

SM Southmall Southtopia UFC

UFC GYM NASA SM SOUTHMALL NA
Plus, take a trip down good ol’ days of fun games and retro activities at #Southtopia post workout

SA PANAHON ngayon, mahalagang magkaroon ng mas aktibong lifestyle upang mapataas ang immunity ng isang …

gun shot

Sa Jaen, Nueva Ecija
BRGY. KAGAWAD LIGTAS SA AMBUSH

NAKALIGTAS ang isang kagawad ng barangay matapos tambangan sa Brgy. Malabon Kaingin, sa bayan ng …

Rizal Police PNP

Sa 7-araw SACLEO sa Rizal
P2.4-M DROGA KOMPISKADO, 180 KATAO TIMBOG

NASAMSAM ang P24-milyong halaga ng ilegal na droga habang arestado ang 180 katao sa ikinasang …

Car Wash

Silid sinalakay ng kaalitang katrabaho
CARWASH BOY PATAY, KASAMA SUGATAN

HINDI nakaligtas ang isang trabahador sa isang carwash shop habang sugatan ang isa pa nang …