MATABIL
ni John Fontanilla
HINDI napigilang mapahagulgol si Herlene Hipon Budol nang magbigay-mensahe sa kanyang manager na si Wilbert Tolentino nang magdiwang ng kaarawan kamakailan.
Parte ng mensahe ni Hipon na malaki ang utang na loob at dapat ipagpasalamat kay Wilbert dahil binago nito ang kanyang buhay at buhay ng kanyang pamilya simula nang makilala niya ito at maging manager. Kaya naman sobra-sobra ang pasasalamat niya sa kanyang manager na hindi rin napigilan na maluha sa mensahe ni Herlene.
Pangako ni Herlene, ipapanalo niya at pipiliting makasungkit ng korona sa Binibibining Pilipinas 2022.
Si Wilbert ang humikayat kay Herlene na sumali sa Binibining Pilipinas at ito rin ang dahilan ng malaking pagbabago sa hitsura niya.
