Tuesday , March 19 2024
knife saksak

Tutol sa relasyon ng magdyowang 17-anyos
INA SINAKSAK, NILASLAS SA DIBDIB NG ANAK AT NOBYO

PATAY ang isang 44-anyos ina na sinaksak at nilaslas sa dibdib at sa braso ng 17-anyos anak na babae at kaedad na nobyo, sa loob mismo ng kaniyang bahay sa Brgy. Robles, bayan ng La Castellana, lalawigan ng Negros Occidental, nitong Martes, 10 Mayo.

Ayon kay P/Capt. Rhojn Darell Nigos, hepe ng La Castellana MPS, namatay ang 44-anyos biktimang kinilalang si Tessie Esparagoza dahil sa dalawang saksak ng kutsilyo sa dibdib at braso. Bukod sa saksak, nilaslas din ang dibdib biktima.

Dagdag ni Nigos, nakarinig ang mga kapitbahay ng ingay mula sa tahanan ng biktima ngunit hindi nila ito pinansin dahil kasama ng biktima ang kaniyang matandang ina at mga anak.

Narekober ng mga tauhan ng pulisya ang isang kutsilyo sa pinangyarihan ng krimen.

Sa ulat ng pulisya, natutulog ang biktima nang papasukin ng kaniyang 17-anyos anak na babae ang nobyo nang gabing naganap ang krimen.

Dagdag ni Nigos, nadakip ang anak ng biktima sa kanilang bahay na nahuling nililinis ang crime scene.

               Nauna umanong itinanggi ng anak ang kanyang kaugnayan sa krimen ngunit nakakita ng lead ang mga pulis nang makitang nakasulat ang pangalan ng kaniyang nobyo sa kaniyang wristband.

Mula rito, pinuntahan ng mga pulis ang bahay ng kaniyang nobyo saka siya inaresto.

Umamin kalaunan ang magkasintahan sa krimen na sinabing nagalit sila sa bitkima dahil sa pagtutol sa kanilang relasyon.

Sinuri nina Nigos ang mga social media account ng magkasintahan at nadiskubre ang palitan nila ng mensahe tungkol sa pagpaplano ng gagawing krimen kabilang kung aling bahagi ng katawan ng biktima ang kanilang dapat tamaan.

Sinampahan ng kasong parricide ang anak ng biktima habang kasong murder ang nakatakdang isampa laban sa kanyang kasintahan.

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …