Thursday , March 30 2023
Arjo Atayde Aiko Melendez Richard Gomez Lucy Torres Vico Sotto Ejay Falcon

Arjo, Richard, Ejay, Vico, Aiko, Nash wagi sa eleksiyon 2022 

SHOWBIZ KONEK
ni Maricris Valdez Nicasio

MARAMI-RAMI rin ang mga artistang sinuwerteng nakalusot sa katatapos na eleksiyon. Kaya naman masasabing marami pa ring celebrities ang malakas ang dating hindi lang sa entertainment industry kundi  maging sa politika.

Pinangunahan ni Robin Padilla ang mga artistang nakalusot ngayong eleksiyon. Bagamat hindi ganoon kalakas ang makinarya ng action star, nagawa naman niyang manguno sa botohan para senador. Bukod kay Robin, pumasok din sa ikatlong puwesto ang broadcaster na si Raffy Tulfo at habang isinusulat namin ito’y nag-aagawan sa panghuling pwesto sina Jinggoy Estrada at Herbert Bautista.

Wagi rin ang first time candidate  sa 1st district ng Quezon City na si Arjo Atayde.

Panalo rin si Jolo Revilla bilang kongresista ng District 1 ng Cavite gayundin si Nash Aguas bilang konsehal ng Cavite. Nanguna rin sa bilangan ng boto si Lani Mercado sa pagka-kongresista sa 2nd district ng Cavite.

Pasok din sa labanan bilang mga kongresista sina Dan Fernandez  sa lone district ng Sta. Rosa, Laguna, ang boyfriend ni Aiko Melendez na si Jay Khonghun sa 1st district ng Zambales at ang asawa ni Vilma Santos na si Ralph Recto sa Lipa, Batangas, pati na si Richard Gomez sa 4th district ng Leyte samantalang si Lucy Torres ay panalo rin bilang mayor ng Ormoc City.

Number one rin sa canvassing  si Ejay Falcon bilang vice governor ng Oriental Mindoro at lumamang din sina Daniel Fernando at Alex Castro bilang governor at vice governor ng Bulacan. Si Ina Alegre pa rin ang may hawak ng Pola, Oriental Mindoro. 

Wagi pa rin ang anak nina Bossing Vic Sotto at Coney Reyes na si Vico Sotto bilang mayor ng Pasig katuwang si Dodot Jaworski gayundin si Angelu de Leon bilang konsehal naman ng 2nd district ng Pasig.  

Winner din sa pagka-mayor ang boyfriend ni Sue Ramirez na si Javi Benitez ng Victorias City, Negros Occidental at ang dating PBA player na si Vergel Meneses  sa Bulacan, Bulacan.

Tagumpay din sa pagtakbo bilang vice mayor sina Yul Servo (Manila), at Gian Sotto (Quezon City).

Ilan naman sa mga artistang tumakbo sa pagkakonsehal, nanalo sina Alfred Vargas at Aiko Melendez sa Quezon City gayundin si Kiko Rustia sa Pasig City.

Hindi rin nagpatalo ang mga basketball players na sina James Yap, Paul Artadi, at Don Allado, pati na ang Kapuso actor na si Ervic Vijandre, at ang boyfriend ni Sunshine Cruz na si Macky Mathay na pasok din sa pagkakonsehal sa San Juan City.

At sa ikatlong pagkakataon wagi rin si Jhong Hilario sa Makati City at sina Vandolph Quizon, Jomari Yllana, at Ryan Yllana sa Parañaque City. Pasok din sa pagkakonsehal sina Lou Veloso sa Manila at ang Bb. Pilipinas-Globe 2019 na si Leren Bautista sa Los Baños, Laguna.

Nakapasok naman bilang board member si Jason Abalos ng Nueva Ecija.

About Maricris Valdez Nicasio

Check Also

Direk Brillante ‘di inakalang sisikat si Coco

RATED Rni Rommel Gonzales SI Brillante Mendoza ang direktor ng Masahista noong 2005, ang pelikulang ito ang pinakaunang lead …

Krista Miller Nika Madrid Andrew Gan

Krista Miller nanligaw ng babae

RATED Rni Rommel Gonzales PASABOG ang rebelasyon ni Krista Miller na siya ay nanligaw na ng babae. …

Andrea Brillantes Ricci Rivera BlackPink

Andrea sa promprosal kay Ricci — ako po dapat dahil ako yung artist ng Star Magic

MA at PAni Rommel Placente SINAGOT ni Andrea Brillantes ang isang basher na tila sinita siya sa …

Lai Austria

Model, vlogger ‘di kayang magpakita ng kahubdan

I-FLEXni Jun Nardo HINDI kayang magpakita ng maselang parte ng katawan ang model, content creator, …

Althea Ablan Jillian Ward

Althea tinalbugan na raw si Jillian 

I-FLEXni Jun Nardo KABILANG ang Sparkle artist na si Althea Ablan sa comfy summer outfits ng BNY clothing matapos i-launch ng Kapamilya young …